Fiji PM Sitiveni Rabuka: فجی کے وزیر اعظم سیٹو ینی رابوکا بھارت کے چار روزہ دورے پر پہنچے، ایئرپورٹ پر مرکزی وزیر نے پرتپاک استقبال کیا

فجی جمہوریہ کے وزیر اعظم سیٹو ینی رابوکا اپنی اہلیہ سلوویتی رابوکا کے ساتھ اتوار کے روز چار روزہ دورے پر نئی دہلی پہنچے۔ مرکزی وزیر مملکت برائے تعلیم، سکانت مجمدار نے ایئرپورٹ پر ان کا گرمجوشی سے استقبال کیا۔

فجی کے وزیر اعظم سیتی وینی رابوکا کا ایئرپورٹ پر استقبال

سوشل میڈیا پلیٹ فارم ایکس پر ایک پوسٹ میں وزارت خارجہ کے ترجمان رندھیر جیسوال نے رابوکا کا استقبال کیا اور کہا کہ ان کے دورے سے بھارت اور فجی کے درمیان مختلف شعبوں میں شراکت داری مزید مضبوط ہوگی۔ رندھیر جیسوال نے کہا، ’’فجی کے وزیر اعظم سیٹو ینی رابوکا کو ان کے پہلے دورۂ دہلی پر پرتپاک خیرمقدم۔‘‘

مرکزی وزیر مملکت برائے تعلیم و ترقی شمال مشرقی خطہ، سکانت مجمدار نے ایئرپورٹ پر وزیر اعظم رابوکا کا استقبال کیا۔ یہ دورہ بھارت اور فجی کے درمیان شراکت داری کو مختلف شعبوں میں مزید گہرا کرے گا۔

وزیر اعظم نریندر مودی سے ملاقات کریں گے وزیر اعظم رابوکا

25 اگست کو وزیر اعظم نریندر مودی، فجی کے وزیر اعظم سیٹو ینی رابوکا سے حیدرآباد ہاؤس میں ملاقات کریں گے۔ اس کے علاوہ وزیر اعظم مودی، وزیر اعظم رابوکا کے اعزاز میں عشائیہ بھی دیں گے۔ وزیر اعظم رابوکا، صدر جمہوریہ دروپدی مرمو سے بھی ملاقات کریں گے۔

26 اگست کو فجی کے رہنما  انڈین کونسل آف ورلڈ افیئرز کی جانب سے سپرو ہاؤس میں منعقدہ ایک لیکچر سے خطاب کریں گے۔ یہ دورہ 27 اگست کو نئی دہلی سے ان کی روانگی پر اختتام پذیر ہوگا۔

بھارت اور فجی کے درمیان تعلقات کی تاریخ

بھارت اور فجی کے درمیان تعلقات کا آغاز 1879 میں ہوا، جب بھارتی مزدوروں (گرمٹیا) کو گنے کے کھیتوں میں کام کرنے کے لیے معاہدہ جاتی نظام کے تحت وہاں لے جایا گیا تھا۔ 1879 سے 1916 کے درمیان، تقریباً 60,553 بھارتیوں کو فجی لے جایا گیا۔ 20ویں صدی کے آغاز میں، بھارتی تاجر اور دیگر افراد بھی فجی جانا شروع ہوئے، اگرچہ 1920 میں معاہدہ جاتی نظام کو ختم کر دیا گیا۔

1970 میں فجی کی آزادی سے قبل 1948 سے ہی بھارت کا ایک کمشنر وہاں تعینات تھا، جسے آزادی کے بعد ہائی کمشنر کے عہدے پر ترقی دی گئی۔

بھارت ایکسپریس اردو