سیاست

Nikki Haley: جتنی جلدی ٹرمپ کی بات کو سنجیدگی سے لیا جائے، اتنا ہی بہتر ہوگا، نکی ہیلی نے بھارت کو دی نصیحت، تو جے شنکر نے دیا کرارا جواب

امریکہ کی طرف سے ٹیرف (محصولات) میں اضافے کے بعد پیدا ہونے والی کشیدگی کے درمیان اقوام متحدہ میں امریکہ کی سابق سفیرنکی  ہیلی نے بھارت کو مشورہ دیتے ہوئے کہا کہ:روس سے تیل کی خریداری کے معاملے پر بھارت کو ٹرمپ انتظامیہ کے ساتھ مل کر جلد از جلد کوئی حل نکالنا چاہیے، کیونکہ یہ مسئلہ جتنا جلد حل ہوگا، اتنا ہی بہتر ہوگا۔

نکی ہیلی نے کیا کہا؟

نکی  ہیلی نے سوشل میڈیا پر ایک پوسٹ میں لکھا: دنیا کی دو سب سے بڑی جمہوری طاقتوں کے درمیان دہائیوں سے قائم دوستی اور اعتماد، موجودہ اختلافات کے سبب کمزور ہو رہا ہے۔

انہوں نے مزید کہا: تجارتی تنازعات اور روس سے تیل کی درآمد کے معاملے پر سخت بات چیت ضروری ہے، لیکن مشترکہ مقاصد سب سے زیادہ اہمیت رکھتے ہیں۔

قابل ذکر بات یہ ہےکہ نکی  ہیلی نے ٹرمپ انتظامیہ کو بھی خبردار کرتے ہوئے کہا: چین کا مقابلہ کرنے کے لیے امریکہ کو بھارت جیسے دوست کی ضرورت ہے۔

یہ پہلا موقع نہیں ہے…

یہ پہلا موقع نہیں جب نکی  ہیلی نے بھارت کو نصیحت یا تنبیہ کی ہو۔ اس سے قبل بھی انہوں نے کہا تھا کہ بھارت-امریکہ تعلقات ایک نازک موڑ پر ہیں، اس لیے ٹیرف کے تنازع کو دونوں ممالک کے درمیان دراڑ کا باعث نہیں بننے دینا چاہیے۔

جے شنکر کا دوٹوک جواب

اس کے جواب میں، امریکہ کی طرف سے 25 فیصد اضافی ٹیرف عائد کیے جانے پر بھارت کے وزیر خارجہ ڈاکٹر ایس. جے شنکر نے سخت ردعمل دیا۔ انہوں نے کہا: ہماری تشویش اس بات پر ہے کہ یہ حدود بنیادی طور پر ہمارے کسانوں اور کسی حد تک ہمارے چھوٹے صنعتکاروں کے مفاد سے جڑی ہیں۔ ہم ایک حکومت کے طور پر اپنے کسانوں اور چھوٹے پیدا کنندگان کے مفادات کے تحفظ کے لیے پُرعزم ہیں، اور اس پر کوئی سمجھوتہ نہیں کیا جا سکتا۔

اگر مسئلہ ہے تو تیل نہ خریدیں

وزیر خارجہ جے شنکر نے مزید کہا: امریکی صدر ڈونلڈ ٹرمپ دنیا، اور یہاں تک کہ اپنے ملک کے ساتھ بھی جس انداز میں برتاؤ کرتے ہیں، وہ روایتی طور طریقوں سے بالکل مختلف ہے۔

انہوں نے سوال اٹھایا کہ: یورپی یونین اور چین بھی روس سے تیل درآمد کر رہے ہیں، تو کیا ان پر یہ الزام نہیں لگتا کہ وہ پوتن کا خزانہ بھر رہے ہیں؟ اگر بھارت پر یہ الزام ہے، تو کیا وہ بھی پوتن کی مدد نہیں کر رہے؟

بھارت ایکسپریس اردو

Abu Danish Rehman

Recent Posts

National Press Day: آزادیٔ اظہار کے ساتھ ذمہ داری بھی ضروری، صحافی تکنیکی تبدیلیوں کو اپنائیں: اشونی ویشنو

مرکزی وزیر اطلاعات و نشریات اشونی ویشنو نے جمہوریت کو مضبوط بنانے میں میڈیا کے…

3 hours ago

Adani Green Energy On Tarali Project: تارالی پمپ اسٹوریج پروجیکٹ پر اڈانی گرین انرجی نے واضح کی صورت حال، بتایا کب ملی کون سی منظوری

اڈانی گرین انرجی لمیٹڈ نے کہا ہے کہ تارالی پمپ اسٹوریج پروجیکٹ میں نہ تو…

3 hours ago

8th Pay Commission: کیا ریٹائرڈ ملازمین کو بھی ملے گا بقایا جات کا فائدہ؟ پنشنروں نے وزیر اعظم مودی کو خط لکھ کر کیا مطالبہ

آٹھویں پے کمیشن کے تحت یکم جنوری 2026 سے پہلے ریٹائر ہونے والے پنشنروں اور…

3 hours ago