کولکتہ عصمت دری-قتل کیس، ملک بھر میں ڈاکٹرز ایسوسی ایشن کی بھوک ہڑتال، میڈیکل کالج کے 50 ڈاکٹروں کا استعفی
کولکتہ کے آر جی کار اسپتال میں ٹرینی ڈاکٹر کی عصمت دری اور قتل کے سلسلے میں ڈاکٹروں کا مظاہرے باقاعدگی سے جاری ہیں۔ ٹرینی ڈاکٹروں کے احتجاج کی حمایت کرتے ہوئے فیڈریشن آف آل انڈیا میڈیکل ایسوسی ایشن نے آج ملک گیر بھوک ہڑتال کا اعلان کیا ہے۔ اس ہڑتال کی وجہ سے صحت کی خدمات متاثر ہو سکتی ہیں اور اسپتال میں علاج کے لیے آنے والے مریضوں کو پریشانی کا سامنا کرنا پڑ سکتا ہے۔
ڈاکٹرز ایسوسی ایشن نے ملک بھر کے ہیلتھ ورکرز سے ہڑتال میں شرکت کی اپیل کی ہے۔ تاکہ طبی ماہرین میں اتحاد دیکھائی دے۔ فیما کے صدر سوورنکر دتہ نے کہا کہ ہم مغربی بنگال جونیئر ڈاکٹرس فرنٹ کے ساتھ قریبی رابطے میں ہیں اور اپنے موقف میں متحد ہیں۔ دتہ نے کہا کہ وسیع غور و خوض کے بعد ہم نے مغربی بنگال میں اپنے ساتھیوں کے ساتھ اظہار یکجہتی کے لیے ملک گیر بھوک ہڑتال کرنے کا فیصلہ کیا ہے۔
آر جی کار میڈیکل کالج اور اسپتال کے کم از کم 50 ڈاکٹروں نے منگل کو استعفیٰ دے دیا۔ ان ڈاکٹروں نے یہ قدم ان ڈاکٹروں کے ساتھ یکجہتی کا اظہار کرتے ہوئے اٹھایا ہے جو 5 اکتوبر سے ریپ اور قتل کا شکار ہونے والی خاتون ٹرینی ڈاکٹر کو انصاف فراہم کرنے کا مطالبہ کر رہے ہیں۔
یہاں سی بی آئی نے آر جی کار کالج میں ایک ٹرینی ڈاکٹر کے ساتھ عصمت دری اور قتل کے ملزم سنجے رائے کے خلاف چارج شیٹ داخل کی ہے۔ سنجے رائے پر 9 اگست کو اسپتال کے اندر ایک ٹرینی ڈاکٹر کی عصمت دری اور قتل کا الزام ہے۔ ملزمان نے خاتون ڈاکٹر کو اسپتال کے سیمینار روم میں زیادتی کا نشانہ بنایا اور پھر بے دردی سے قتل کردیا۔
بھارت ایکسپریس
بہار کے ضلع ویشالی میں راگھوپور کے قریب کشتی بے قابو ہو کر الٹ گئی۔…
کیشوپور، جنک پوری، روہنی، سونیا وہار اور منگول پوری سمیت کئی علاقوں میں خفیہ کیمرے…
دہلی پولیس نے جنتر منتر کے علاقے میں بغیر اجازت داخل ہونے کے الزام میں…
تجارت، توانائی، ٹیکنالوجی، سلامتی اور عوامی روابط سمیت اہم شعبوں میں ٹھوس نتائج حاصل کرنے…
وزیر اعظم نریندر مودی کے خلاف مبینہ ’چوکیدار چور ہے‘ تبصرے سے متعلق فوجداری ہتک…
رشی سونک نے سوشل میڈیا پر لکھا ہے کہ وزیر اعظم نریندر مودی، آج نئی…