Defence Minister Rajnath Singh: وزیر دفاع راج ناتھ سنگھ گجرات کے بھج ایئربیس پہنچے، فوجیوں سے کررہے ہیں خطاب

ہندوستان کے وزیر دفاع راج ناتھ سنگھ آج جمعہ کو ہندوستان پاکستان سرحد کے قریب بھج ایئربیس کا دورہ پر ہیں۔ راج ناتھ سنگھ یہاں ہوائی جنگجوؤں سے بات کر رہے ہیں۔ آپ کو بتاتے چلیں کہ بھج ایئربیس بھارت کے ان مراکز میں سے ایک تھا ،جسے گزشتہ ہفتے پاکستانی فوج نے نشانہ بنانے کی کوشش کی تھی۔ آپ کو بتاتے چلیں کہ پاکستانی دہشت گردوں کے خلاف کیے گئے حالیہ آپریشن سندور میں ہندوستانی فضائیہ نے پاکستان کو گھٹنے ٹیکنے میں اہم رول ادا کیا تھا۔ آج وزیر دفاع راج ناتھ سنگھ ایئر بیس پر فضائی جنگجوؤں سے خطاب کر رہے ہیں۔ فضائیہ کے سربراہ ایئر مارشل اے پی سنگھ بھی راج ناتھ سنگھ کے ساتھ موجود ہیں۔

راج ناتھ سنگھ نے کیا کہا؟

راج ناتھ سنگھ نے پہلگام میں مارے گئے تمام بے گناہ شہریوں اور ‘آپریشن سندور’ کے دوران شہید ہونے والے فوجیوں کو خراج عقیدت پیش کیا۔ وزیر دفاع نے کہا کہ ہمارے ملک کے مضبوط بازو بھج میں آپ سب کے درمیان ہونے پر بہت فخر ہے۔ یہ بھج 1965 میں پاکستان کے خلاف ہماری جیت کا گواہ ہے، یہ بھج 1971 میں پاکستان کے خلاف ہماری جیت کا گواہ ہے۔ اور آج ایک بار پھر، یہ بھج پاکستان کے خلاف ہماری جیت کا گواہ ہے۔ اس کی مٹی میں حب الوطنی کی خوشبو ہے اور اس کے سپاہیوں میں ہندوستان کی حفاظت کا غیر متزلزل عزم ہے۔ میں مسلح افواج اور بی ایس ایف کے تمام بہادر سپاہیوں کو سلام کرتا ہوں، بشمول آپ تمام فضائی جنگجوکو۔

پاکستان کو وارننگ دی گئی

وزیر دفاع راج ناتھ سنگھ نے اس سے قبل جمعرات کو جموں و کشمیر کے سری نگر کا دورہ کیا تھا اور فوجی جوانوں سے خطاب کیا تھا۔ راج ناتھ سنگھ نے سری نگر سے پاکستان کو سخت وارننگ دی تھی۔ انہوں نے کہا تھا کہ پاکستان کے زخموں پر مرہم رکھنے کا واحد طریقہ یہ ہے کہ وہ بھارت مخالف اور دہشت گرد تنظیموں کو پناہ دینا بند کرے اور اپنی سرزمین بھارت کے خلاف استعمال نہ ہونے دے۔

بھارت ایکسپریس اردو