Lok Sabha Elections 2024: بی جے پی 150 سے اوپر نہیں جائے گی، منیش تیورای کا دعویٰ 4 جون کو صرف I.N.D.I.A. اتحاد ہی حکومت بنائے گی

  لوک سبھا انتخابات 2024 کے ساتویں اور آخری مرحلے کے لیے ووٹنگ یکم جون کو ہونی ہے۔ ووٹنگ کے اس آخری مرحلے کے تحت چنڈی گڑھ میں بھی ووٹنگ ہوگی۔ یہاں سے کانگریس کے امیدوار اور سابق وزیر اطلاعات و نشریات منیش تیواری نے ووٹنگ سے پہلے میڈیا سے بات چیت  کرتے ہوئے کئی اور مسائل پر بات کی۔

منیش تیواری نے اپنے اوپر  باہری ِشخص ہونے کے الزامات پر کہا کہ میں چندی گڑھ سے ہوں۔ یہ میرا آبائی گھر ہے۔ میرے والد اسی چندی گڑھ میں شہید ہوئے، وہ دہشت گردوں کے ہاتھوں مارے گئے۔ باہر والے بی جے پی امیدوار سنجے ٹنڈن ہیں جو خود امرتسر سے ہیں۔

بی جے پی سے کووڈ معاملے پر پوچھا گیا سوال

حال ہی میں یوگی آدتیہ ناتھ کی جانب سے چندی گڑھ میں انہیں اور راہل گاندھی کو  آڑن کھٹولا کہنے اور رام مندر کا مسئلہ اٹھانے پر  منیش تواری نے ان پر سخت حملہ کیا۔ انہوں نے کہا، “رام سب کے ہیں ، کسی  ایک کے نہیں۔ اوہ  لوگ مسائل پر بات کریں، کووڈ پر وہ پیٹھ  تھپتھپاتے ہیں، تو بتائیں تب گنگا-جمنامیں لاشیں کیوں تیر رہیں تھیں۔

منیش تیواری نے اپنی جیت کو لے کر بڑا دعویٰ کیا

منیش تیواری نے اپنی جیت کو لے کر بڑا دعویٰ کیا۔ انہوں نے کہا، “مجھے یقین ہے کہ میں جیت جاؤں گا۔ وہ کہتے ہیں، بی جے پی 150 سے اوپر نہیں جائے گی اور اس بار 4 جون کو صرف I.N.D.I.A. اتحاد ہی حکومت بنائے گی۔ کھڑگے جی ایک تجربہ کار لیڈر ہیں، وہ سمجھ رہے ہیں کہ اس بار I.N.D.I.A الائنس حکومت بنائیں گے اسی لیے اتحادی جماعتوں کا اجلاس بلایا گیا ہے۔

نظریے سے لڑائی  ، کبھی بی جے پی میں شامل نہیں ہوں گے

پون بنسل کے انتخابی مہم میں نظر نہ آنے پر منیش تیواری نے کہا کہ وہ پارٹی کے سینئر لیڈر ہیں اور میں ان کے گھر گیا اور ان کا آشیرواد لیا، مجھے پورا بھروسہ ہے ۔ ان کی حمایت حاصل ہے۔منیش  تیواری نے پہلی بار بی جے پی میں شامل ہونے کی قیاس آرائیوں پر اپنی خاموشی توڑی۔ انہوں نے کہا، “میں کئی سالوں سے سیاست میں ہوں، اس لیے میرے سب کے ساتھ تعلقات ہیں، لیکن میں نے کبھی بی جے پی میں شامل ہونے کا نہیں سوچا اور نہ ہی میں کبھی بی جے پی میں شامل ہوں گا۔ ہماری لڑائی ان کے نظریے سے ہے۔”

بھارت ایکسپریس