Thane Firing: بی جے پی ایم ایل اےگرفتار، 6 کے خلاف ایف آئی آر

Thane Firing:مہاراشٹر کے ٹھانے ضلع کے الہاس نگر تھانے میں فائرنگ کے معاملے میں پولیس نے بڑی کارروائی کی ہے۔ پولیس نے بی جے پی ایم ایل اے گنپت گایکواڑ کو ٹھانے میں فائرنگ کرنے کے الزام میں گرفتار کر لیا ہے۔ چیف منسٹر ایکناتھ شندے کی زیرقیادت شیوسینا کا ایک مقامی لیڈر  نےجمعہ کی رات دیر گئے ٹھانے ضلع کے ایک پولیس اسٹیشن کے احاطے میں فائرنگ میں زخمی ہوگیا۔

پولیس ذرائع کے مطابق یہ واقعہ الہاس نگر کے ہل لائن پولیس اسٹیشن میں رات تقریباً 10.30 بجے پیش آیا۔ اس واقعے میں ایک حریف سیاستدان ملوث تھا۔ ذرائع نے بتایا کہ اس فائرنگ میں شیو سینا لیڈر مہیش گائیکواڑ زخمی ہوئے ہیں اور انہیں ٹھانے شہر کے ایک اسپتال میں داخل کرایا گیا ہے۔

معاملے کی جانکاری دیتے ہوئے ڈی سی پی سدھاکر پاٹھارے نے کہا کہ بی جے پی ایم ایل اے گنپت گائیکواڑ اور شیو سینا شندے دھڑے کے لیڈر مہیش گائیکواڑ کے درمیان کسی بات پر جھگڑا ہوا تھا۔ اس سلسلے میں وہ تھانے پہنچ گئے۔ لیکن تھانے میں ان کے درمیان جھگڑا اتنا بڑھ گیا کہ بی جے پی ایم ایل اے گنپت گائیکواڑ نے شیو سینا شندے دھڑے کے لیڈر مہیش گائیکواڑ پر گولی چلا دی۔ زخمی مہیش گائیکواڑ کو فوری طور پر اسپتال  لے جایا گیا ۔ جہاں ان کا علاج جاری ہے۔

’مہاراشٹر کو جنگل راج بنایا جا رہا ہے‘

شیو سینا (یو بی ٹی) کے رہنما آنند دوبے کا ردعمل بی جے پی کے ایم ایل اے گنپت گائیکواڑ کی جانب سے شیو سینا شندے دھڑے کے رہنما مہیش گائیکواڑ پر گولی چلانے کے معاملے پر سامنے آیا۔انہوں نے کہا کہ مہاراشٹرا کو جنگل راج بنایا جا رہا ہے

آنند دوبے نے کہا کہ یہ کتنی بدقسمتی کی بات ہے کہ ایک ایم ایل اے جس کو لاکھوں لوگوں کی فلاح و بہبود کے لیے کام کرنے کی ضرورت ہے وہ لوگوں کو گولی مار رہا ہے۔ 3 انجن والی حکومت میں دو پارٹیوں کے لیڈر آپس میں لڑ رہے ہیں اور ایک دوسرے کو مارنے کی کوشش کر رہے ہیں۔ ایک لحاظ سے، دونوں انجن فیل ہو رہے ہیں۔ ہماری ریاست کس سمت بڑھ رہی ہے؟ کیا یہ جنگل راج کی طرح نہیں؟

بھارت ایکسپریس