منی پور کے چندیل ضلع میں زہریلی شراب پینے سے 15 افراد کی موت ہوگئی، جبکہ 180 سے زائد مریضوں کو امپھال کے اسپتالوں میں داخل کرایا گیا ہے۔ یہ واقعہ چکپیکرونگ سب ڈویژن اور اس کے آس پاس کے علاقوں میں پیش آیا۔ واقعے کے بعد ہنگامی طبی خدمات، صحت عامہ سے متعلق ایڈوائزری اور ملاوٹی شراب کی غیر قانونی تیاری و تقسیم کے خلاف پوری ریاست میں سخت کارروائی شروع کردی گئی ہے۔ دریں اثنا، منی پور کے وزیر اعلیٰ یومنم کھیم چند سنگھ نے جمعہ کو لامفیل پٹ میں واقع شِجا اسپتال اور سجیوا میں ببینا اسپتال کا دورہ کیا۔ اس دوران انہوں نے طبی انتظامات کا جائزہ لیا اور زیر علاج مریضوں سے بات چیت کی۔
قصورواروں کو سخت سزا دی جائے گی: وزیر اعلیٰ
وزیر اعلیٰ نے سوشل میڈیا پلیٹ فارم ایکس پر لکھا کہ چندیل ضلع کے چکپیکرونگ علاقے میں زہریلی شراب پینے کے بعد زیر علاج افراد کی خیریت دریافت کرنے کے لیے وہ شِجا اسپتال، لامفیل پٹ اور ببینا اسپتال، سجیوا پہنچے۔ شِجا اسپتال میں 140 سے زائد اور ببینا اسپتال میں 41 سے زیادہ مریض داخل تھے۔ انہوں نے کہا کہ مریضوں کا ڈاکٹروں کی کڑی نگرانی میں طبی معائنہ اور علاج جاری ہے۔ میں نے دونوں اسپتالوں کے حکام کو ہدایت دی ہے کہ مریضوں کو بہترین طبی سہولیات اور تمام ضروری مدد فراہم کی جائے۔ وزیر اعلیٰ نے بتایا کہ جنرل میڈیسن کے ایک ماہر کی قیادت میں طبی ٹیم ضروری ادویات کے ساتھ چندیل ضلع روانہ کردی گئی ہے، تاکہ متاثرہ علاقوں میں علاج اور امدادی خدمات کو مزید مضبوط بنایا جاسکے۔ انہوں نے مریضوں کی جلد اور مکمل صحت یابی کی دعا کی اور مرنے والے افراد کے غمزدہ اہل خانہ سے گہری تعزیت کا اظہار کیا۔ وزیر اعلیٰ نے کہا کہ حکومت اس واقعے کی تحقیقات کرائے گی اور قصورواروں کو سزا دی جائے گی۔
ꯆꯥꯟꯗꯦꯜ ꯗꯤꯁꯇ꯭ꯔꯤꯛ ꯀꯤ ꯃꯅꯨꯡ ꯆꯟꯅ ꯂꯩꯕ ꯆꯥꯛꯄꯤꯀꯥꯔꯣꯡ ꯗꯒꯤ ꯑꯁꯦꯡꯗꯕ ꯌꯨ ꯊꯛꯂꯨꯕꯗꯒꯤ ꯂꯥꯏꯀꯠꯅꯔꯤꯕ ꯑꯅꯥꯕꯁꯤꯡ ꯁꯤꯖ ꯍꯣꯁꯄꯤꯇꯥꯜ, ꯂꯝꯐꯦꯜꯄꯥꯠ, ꯑꯃꯁꯨꯡ ꯕꯕꯤꯅꯥ ꯍꯣꯁꯄꯤꯇꯥꯜ, ꯁꯖꯤꯋꯥ, ꯗ ꯆꯠꯇꯨꯅ ꯑꯅꯥꯕꯁꯤꯡꯒꯤ ꯐꯤꯚꯝ ꯌꯦꯡꯁꯤꯟꯂꯨꯔꯦ꫰꫰
Visited Shija Hospital, Lamphelpat, and Babina Hospital, Sajiwa, today to enquire about the health condition of the persons undergoing treatment after consuming spurious liquor from Chakpikarong area in Chandel District. Over 140 patients were admitted to Shija Hospital and over 41 patients at Babina Hospital. The death toll has touched 11 during the last 48 hours. The patients are undergoing medical evaluation and treatment under the close supervision of the doctors. I directed the authorities of both hospitals to ensure the best possible medical care and all necessary support for the patients. A medical team, led by a Specialist in General Medicine, along with essential medicines, has left for Chandel District to strengthen on-ground treatment and response. I wished the patients a speedy and full recovery and extend my heartfelt condolences to the bereaved families of the deceased. The government will conduct an enquiry and the culprits will be punished.
— Khemchand Yumnam (@YKhemchandSingh) November 20, 2026
اسپتال میں داخل کئی مریضوں کی حالت تشویشناک
پولیس رپورٹ کے مطابق متاثرین میں زیادہ تر درمیانی عمر کے مرد شامل ہیں، جنہیں پیٹ میں شدید درد، چکر آنے، سانس لینے میں دشواری اور دیگر طبی مسائل کا سامنا کرنا پڑا۔ متاثرہ علاقوں سے بڑی تعداد میں مریض لامفیل پٹ کے شِجا اسپتال اور سجیوا کے ببینا اسپتال پہنچے ہیں۔ وزیر اعلیٰ کی جانب سے شیئر کی گئی معلومات کے مطابق شِجا اسپتال میں 140 سے زائد اور ببینا اسپتال میں 41 سے زیادہ مریض داخل کرائے گئے ہیں۔ ان میں سے کئی کی حالت تشویشناک بتائی جا رہی ہے۔ شِجا اسپتال کے جوائنٹ مینیجنگ ڈائریکٹر ڈاکٹر چیتن کھونڈونگبام نے کہا کہ مریضوں کی اچانک بڑی تعداد میں آمد سے اسپتال پر کافی دباؤ پڑا ہے۔ انہوں نے بتایا کہ اسپتال مزید مدد کے لیے ریاستی محکمہ صحت، ریجنل انسٹی ٹیوٹ آف میڈیکل سائنسز (RIMS) اور جواہر لعل نہرو انسٹی ٹیوٹ آف میڈیکل سائنسز (JNIMS) کے ساتھ تال میل قائم کر رہا ہے۔ کچھ مریضوں کو دیگر طبی مراکز میں منتقل کیا جا رہا ہے، جبکہ جن سنگین مریضوں کو لائف سپورٹ اور ہیمو ڈائیلاسس کی ضرورت ہے، انہیں شِجا اسپتال میں رکھا جا رہا ہے۔ اسپتال انتظامیہ کو ہدایت دی گئی ہے کہ تمام متاثرین کو بہترین طبی دیکھ بھال اور ضروری سہولیات فراہم کی جائیں۔
بھارت ایکسپریس اردو۔
سابق شوہر کرونگ اونلر کی جانب سے دائر فوجداری ہتک عزت کے مقدمے میں عدالت…
بھارت اے نے نیپال کو 306 رنز سے عبرتناک شکست دی، پوری ٹیم 11.3 اوور…
وزیر اعظم نریندر مودی نے دہلی میں منعقدہ پہلے ایس سی او تہذیبی مکالمہ فورم…
تین روزہ کانفرنس میں ملک و بیرون ملک کے نوجوان محققین، سائنس دانوں اور طبی…
سوشل میڈیا پر وائرل ویڈیو میں گھر کے مرکزی دروازے کے قریب آگ کے شعلے…
اتراکھنڈ کے وزیر اعلیٰ پشکر سنگھ دھامی نے نئی دہلی میں وزیر اعظم نریندر مودی…