BJP: گجرات میں بی جے پی کی ایک طرفہ جیت کے بعد جشن مناتے اراکین

Gujarat:  بی جے پی کے نو منتخب اراکین اسمبلی کو تلک لگا کر اور مٹھائی کھلاکر، گاندھی نگر میں بی جے پی کے پارٹی دفتر کملم میں ان کا استقبال کیا گیا۔ سابق وزیر اعلیٰ وجے روپانی بھی دفتر پہنچے۔

اس موقع پر نو منتخب ایم ایل اے ہاردک پٹیل نے کہا کہ، تمام گجراتیوں کے لیے یہ ایک بڑا دن ہے کہ ایک بار پھر بی جے پی کی حکومت بنی ہے۔ تمام 157 ایم ایل اے لیجسلیچر پارٹی میٹنگ میں، پارٹی جو بھی فیصلہ کرے گی اسے قبول کریں گے۔ ہم سب کو یقین ہے کہ پارٹی کی قیادت گجرات کو مزید مضبوط کرے گی۔

وہیں گجرات کے وزیر داخلہ  ہرش سنگھوی نے کہا کہ، اپوزیشن نے انتخابات جیتنے کے لیے گجرات اور اس کی عوام کو بدنام کرنے میں کوئی کسر نہیں چھوڑی تھی، لیکن عوام نے چن چن کر جواب دیا ہے۔ یہ اقتدار کا انتخاب نہیں تھا بلکہ رشتہ، اعتماد کا انتخاب تھا اور اس الیکشن میں بی جے پی ایک بار پھر جیت گئی ہے۔

انہوں نے مزید کہا کہ، گجرات لیجسلیچر پارٹی نے بھوپیندر پٹیل کو دوبارہ لیجسلیچر پارٹی کا لیڈر منتخب کر لیا ہے۔

-بھارت ایکسپریس