Haryana Assembly Election 2024: سنگیتا پھوگٹ نے کہا کہ گھروں سے نکلیں اور ووٹ دیں، ہر ووٹ قیمتی ہے اورہرووٹ قیمتی تبدیلی کی طرف  لے جائے گا

ہریانہ اسمبلی انتخابات میں ووٹ ڈالنے کے بعد کانگریس لیڈر اور پہلوان بجرنگ پونیا نے بیان دیا ہے۔ انہوں نے کہا کہ میں ہریانہ کے لوگوں سے اپیل کرتا ہوں کہ زیادہ سے زیادہ ووٹ دیں۔ آج ہریانہ میں روزگار کی کمی ہے۔ 2005-2014 تک تک جو حکومت رہی، اس  میں سماج کے ہر طبقہ کی اقتدار میں تحت ترقی ہوئی۔ پچھلے 10 سالوں میں کھلاڑی ہوں، کسان ہوں یا فوجی ہوں، جس نے بھی آواز اٹھائی اس پر لاٹھی چلائی گئی ۔ اس لیے اس بات کو مدنظر رکھتے ہوئے زیادہ سے زیادہ ووٹ دیں۔ ہریانہ میں کانگریس کی حکومت لانی ہوگی۔

ایک سوال کے جواب میں انہوں نے کہا کہ میں خود ایک کسان گھرانے سے تعلق رکھتا ہوں، میں کشتی کھیلتا تھا، وہ بھی مٹی کا کھیل ہے، میں گاؤں  میں نکلا ہوں، کانگریس کی جانب سے مجھے بنایا گیا ہے۔ آل انڈیا کسان کانگریس کے کارگزار صدر میں اپنی طرف سے جو کچھ کر سکتا ہوں، کسان بھائیوں کے لیے کروں گا۔

بی جے پی حکومت سے ہر کوئی ناخوش ہے

بجرنگ پونیا کے ساتھ ان کی اہلیہ سنگیتا پھوگٹ بھی ووٹ ڈالنے پہنچیں۔ اے این آئی سے بات کرتے ہوئے انہوں نے کہا کہ میں نے ایک پہلوان اور کسان کی بیٹی کے طور پر ووٹ دیا ہے۔ ہم نے اس تبدیلی کو ووٹ دیا ہے جو ہم چاہتے ہیں۔ سبھی بی جے پی حکومت سے ناخوش ہیں اور وہ تبدیلی چاہتے ہیں۔

کانگریس سب کے لیے اچھا کام کرے گی – سنگیتا پھوگٹ

جب سنگیتا پھوگٹ سے پوچھا گیا کہ اگر کانگریس اقتدار میں آتی ہے تو ہریانہ میں کیا دیکھا جائے گا۔ اس پر انہوں نے کہا کہ کانگریس کسانوں، پہلوانوں اور خواتین کے لیے اچھا کام کرے گی۔ میں عوام سے اپیل کرنا چاہوں گی کہ وہ گھروں سے نکلیں اور ووٹ دیں۔ ہر ووٹ قیمتی ہے اور ہر ووٹ قیمتی تبدیلی کی طرف  لے جائے گا۔