Lok Sabha Election 2024 Phase 6 Voting: صبح 9 بجے تک 11 فیصد ووٹنگ،دہلی میں کچھ جگہوں پر ای وی ایم ہوئے خراب، لوگ ہوئے پریشان!

عام انتخابات کے چھٹے مرحلے کے تحت صبح 9 بجے تک تقریباً 11 فیصد ووٹنگ ہو چکی ہے۔ تازہ ترین اعداد و شمار کے مطابق آٹھ ریاستوں اور مرکز کے زیر انتظام علاقوں کی 58 سیٹوں پر صبح 9 بجے 10.82 فیصد ووٹنگ ہوئی۔ بہار میں 9.66 فیصد، ہریانہ میں 8.31 فیصد، جموں و کشمیر میں 8.89 فیصد، دہلی میں 8.94 فیصد، اوڈیشہ میں 7.43 فیصد، مغربی بنگال میں 16.54 فیصد، اتر پردیش میں 12.33 فیصد اور جھارکھنڈ میں 11.74 فیصد ووٹنگ ہوئی۔

لوک سبھا انتخابات 2024 کے چھٹے مرحلے کے تحت صبح 9 بجے تک 11 فیصد ووٹنگ ہو چکی ہے۔ تازہ ترین اعداد و شمار کے مطابق مغربی بنگال میں اب تک سب سے زیادہ ووٹنگ ہوئی ہے۔ وہاں 16.5 فیصد ووٹنگ ہوئی۔یوپی کے اعظم گڑھ سے بی جے پی کے امیدوار نرہوا (دنیش لال یادو) نے کہا کہ عوام کام اور ترقی کا انتخاب کر رہے ہیں۔

مشرقی دہلی سے کانگریس کے امیدوار کنہیا کمار نے ہفتہ کی صبح ووٹنگ کے دوران کہا، “دہلی میں کچھ جگہوں سے ای وی ایم کے دھیمے  یا نہ چلنے کی شکایات اور رپورٹیں ملی ہیں۔ ایسی صورتحال میں تمام ووٹروں سے کہوں گا کہ مشینری کی خرابی سے گریز کیا جائے لیکن ہمارے حوصلے بلند رہیں اور ہمیں اس صورتحال میں صبر و تحمل سے کام لینا ہو گا اور ملک کے آئین کو بچانے کے لیے ووٹ دینا ہو گا۔

عام انتخابات کے چھٹے مرحلے کے تحت آج یعنی 25 مئی 2024 کو ہونے والی ووٹنگ کے درمیان، جموں و کشمیر اور دہلی سے لے کر اڑیشہ کے پوری تک پولنگ بوتھوں میں الیکٹرانک ووٹنگ مشینوں (ای وی ایم) میں خرابی کی اطلاعات ہیں۔ میڈیا رپورٹس کے مطابق ای وی ایم کی خرابی کے بعد ووٹروں کو کئی مقامات پر پریشانی کا سامنا کرنا پڑا اور بعض مقامات پر وہ گرمی کے موسم میں ووٹ ڈالے بغیر ہی گھروں کو لوٹ گئے۔

پوری، اڑیشہ سے بی جے پی امیدوار سمبت پاترا 25 مئی 2024 کو لوک سبھا انتخابات کے چھٹے مرحلے کی ووٹنگ کے دوران اس وقت پریشان ہو گئے جب پولنگ بوتھ پرای وی ایم خراب ہو گئی۔ انہوں نے اس کی شکایت کرتے ہوئے میڈیا سے کہا، “ای وی ایم کام نہیں کر رہی ہے۔ اس لیے مجھے پولنگ بوتھ کے باہر انتظار کرنا پڑا۔ اور اس دوران لوگوں کو پریشانی کا سامنا بھی کرنا پڑا۔”

بھارت ایکسپریس