Gurmeet Ram Rahim Furlough: پھر جیل سے باہرآنا چاہتے ہیں ڈیرہ سچا سود ا کے سربراہ رام رحیم،اب اٹھایا یہ قدم

ڈیرہ سچا سودا کے سربراہ گرمیت رام رحیم نے ایک بار پھر جیل سے 21 دن کی فرلو پر رہائی کی درخواست کی ہے۔ اس کے لیے انہوں نے پنجاب اور ہریانہ ہائی کورٹ میں درخواست دائر کی ہے۔رام رحیم کی درخواست پر عدالت نے ہریانہ حکومت اور شرومنی گوردوارہ مینجمنٹ کمیٹی (SGPC) سے جواب طلب کیا ہے۔ اب اس معاملے کی سماعت 2 جولائی کو ہوگی۔

کیا ہے دلیل ؟

رام رحیم نے ہائی کورٹ میں اپنی درخواست میں کہا تھا کہ انہیں ڈیرہ سچا سودا کی طرف سے منعقد ہونے والے ایک پروگرام میں شرکت کے لیے پیرول کی ضرورت ہے۔ہائی کورٹ نے جنوری کے مہینے میں ڈیرہ سربراہ کی بار بار پیرول اور فرلو کے خلاف ایس جی پی سی کی درخواست پر ہریانہ حکومت کو پھٹکار لگائی تھی۔ ہائی کورٹ نے حکم دیا تھا کہ اب سے ڈیرہ سربراہ کو کوئی بھی پیرول یا فرلو اس کی اجازت کے بعد ہی دیا جائے۔

پیرول پر سوالات اٹھائے گئے

آپ کو بتا دیں کہ رام رحیم کو 2022 اور 2023 میں 91 دن کے لیے رہا کیا گیا تھا۔ ڈیرہ سچا سودا کے سربراہ کو جنوری میں 50 دن کے لیے پیرول دیا گیا تھا، جو صرف 10 ماہ میں ساتویں مرتبہ تھا۔حال ہی میں رام رحیم کو ہائی کورٹ نے ڈیرہ منیجر رنجیت سنگھ کے قتل کیس میں بری کر دیا تھا۔ سال 2021 میں انہیں پنچکولہ کی خصوصی سی بی آئی عدالت نے عمر قید کی سزا سنائی تھی۔ رنجیت سنگھ کو 10 جولائی 2002 کو کروکشیتر کے خان پور کولیا میں گولی مار کر ہلاک کر دیا گیا تھا۔

آپ کو بتاتے چلیں کہ رام رحیم کے پیروکار پنجاب کے مالوا علاقے میں زیادہ ہیں۔ ان کا اثر سیاست میں بھی ماناجاتا ہے۔ اپوزیشن پارٹیاں الزام لگا رہی ہیں کہ بی جے پی حکومت رام رحیم کو انتخابات کے دوران مدد کرنے کے لیے ریلیف دیتی ہے۔

بھارت ایکسپریس