Gangster Sanjeev Jeeva Crime History: سپاری کلنگ سے لے کر ہائی پروفائل مرڈر تک… ایسے کمپاؤنڈر سے گینگسٹر بنا سنجیو جیوا

Gangster Sanjeev Jeeva: گینگسٹراور مافیا سنجیو جیوا کی عدالت میں پیشی کے دوران قتل کردیا گیا۔ وکیل کے لباس میں آئے بدمعاشوں نے اس قتل سانحہ کو انجام دیا۔ حملہ آوروں کی گولیوں سے ایک پولیس جوان اور ایک بچی بھی زخمی ہوگئی ہے۔ ایک کمپاؤنڈرکے طورپراپنا کیریئر شروع کرنے والے سنجیو جیوا نے آخرکار خود کو انڈرورلڈ سے جوڑ لیا۔ سنجیو جیوا کو منا بجرنگی کا قریبی معاون بھی کہا جاتا تھا۔ منا بجرنگی 2018 میں باغپت جیل میں سزا کاٹ رہا ہے۔ واضح رہے کہ گینگسٹرسنجیومہیشوری جیوا بی جے پی رکن اسمبلی برہمادت دویدی کے قتل معاملے میں ملزم تھا۔

 کرشنا نند رائے کے قتل معاملے میں ہوئی تھی گرفتاری

اترپردیش کے مظفرنگر کے رہنے والے جیوا کو 2006  میں بی جے پی رکن اسمبلی کرشنا نند رائے اور یوپی کے وزیراعلیٰ برہمادت دویدی کے قتل معاملے میں گرفتار کیا گیا تھا۔ جیوا اور سماجوادی پارٹی کے سابق رکن اسمبلی وجے سنگھ کو دویدی کو قتل کے الزام میں عمرقید کی سزا سنائی گئی تھی۔ سنجیو جیوا پر چار دیگر قتل کا معاملہ چل رہا ہے۔ سنجیو جیوا پر سپاری کلنگ کا الزام لگتا رہا ہے۔

کرشنا نند رائے کے قتل میں سنجیوجیوا کے علاوہ انصاری برادران اوران کے رشتے داراعجازانصاری، رائے بریلی کے فردوس اورمنا بجرنگی کو نامزد کیا گیا تھا۔ ذرائع کے مطابق، سنجیو مہیشوری عرف جیوا کو معاملے میں پیشی کے لئے کورٹ لے جایا گیا تھا۔ جیوا کے خلاف 22 سے زیادہ معاملے درج ہیں۔

برہما دت دویدی بن گئے تھے بڑا چہرہ

بی جے پی لیڈربرہما دت دویدی 90 کی دہائی میں تیزی سے ابھرے تھے۔ ان کا نام سب کی زباں پرتھا۔ تین سالوں کے اندرہی ملک کے بڑے بڑے لیڈران کے قریبی ہوگئے۔ کہا جاتا ہے کہ ملائم سنگھ جیسے عظیم رہنما کو بھی ان کی وجہ سے اپنی سیٹ بدلنی پڑی۔ انہیں ریاست کا آئندہ وزیراعلیٰ بھی کہا جا رہا تھا۔

کیسے ہوا برہما دت دویدی کا قتل

برہما دت دویدی کا ایک سرد رات میں قتل کردیا گیا۔ ان کے قتل میں جیوا کا نام سامنے آیا تھا، جس میں بعد میں جیوا کوعمرقید کی سزا سنائی گئی تھی۔ دراصل، 1997 میں برہما دت دویدی ایک پروگرام میں شامل ہونے کے بعد کارسے جا رہے تھے کہ تبھی بائیک سوارکچھ بدمعاش ہتھیارسے لیس ہوکر وہاں پہنچے اوران کی گاڑی پریکے بعد دیگرے کئی گولیاں برسا دیں۔ کار کے اندر بیٹھے لیڈر کچھ سمجھ پاتے کہ لمحہ بھر میں ہی ان کوگولیوں سے چھلنی کردیا گیا۔

کورٹ احاطے میں ہوا سنجیو جیوا کا قتل

واضح رہے کہ لکھنؤ کے قیصرباغ کے سول کورٹ کے اندرگینگسٹرسنجیومہیشوری عرف جیوا کا گولی مارکرقتل کردیا گیا۔ پیشی کے لئے سنجیومہیشوری عرف جیوا کو عدالت میں لایا گیا تھا۔ کورٹ کیمپس گولی سانحہ میں چارپانچ لوگوں کے زخمی ہونے کی بھی خبرہے۔ سنجیومہیشوری جیوا مغربی یوپی کا گینگسٹرتھا۔ پولیس نے ایک حملہ آورکوحراست میں لیا ہے۔ زخمی حالت میں حملہ آورکو پولیس اسپتال لے گئی۔