I.N.D.I.A. الائنس کے پاس کون ہے سب سے مضبوط چہرہ؟ بھارت ایکسپریس کے سروے میں ہزاروں لوگوں نے لیا حصہ

Bharat Express Survey: لوک سبھا الیکشن 2024 کے پیش نظرسیاسی گرمی میں اضافہ ہوگیا ہے۔ اس درمیان 22 جنوری کورام مندرکا افتتاح ہونے والا ہے۔ ایسے میں بھارت ایکسپریس نے ایودھیا پر بڑا اوپینین پول منعقد کیا ہے۔ اس میں ہماری سروے ٹیم نے ایودھیا پرہورہی سیاست کے موضوع پر عوام کی نبض ٹٹولنے کی کوشش کی ہے۔ اس دوران پوچھے گئے سوالوں کا عام لوگوں نے دل کھول کر جواب دیا۔ کچھ سوال موجودہ دور کی سیاست سے متعلق بھی کئے گئے۔

کانگریس کی قیادت والے انڈیا الائنس کے سوال پر ہزاروں لوگوں نے اپنا مت رکھا۔ سوال تھا کہ انڈیا الائنس کے پاس سب سے مضبوط چہرہ کون سا ہے؟

اس دوران انڈیا الائنس میں شامل جماعتوں کے سربراہ راہل گاندھی، نتیش کمار، اکھلیش یادو، اروند کیجریوال اور ملیکا ارجن کھڑگے کا نام لیا گیا۔ اس سوال پر 10124 لوگوں نے اپنے ردعمل کا اظہارکیا۔ خود ہی دیکھئے کہ کس لیڈر کا پلڑا بھاری ہے۔