Haryana Assembly Election: “ہم نے کوشش کی، لیکن انہوں نے امیدواروں کا اعلان کر دیا”، جانئے عام آدمی پارٹی  کے ساتھ اتحاد نہ ہونے پر بھوپیندر سنگھ ہڈا نے کیا کہا؟

ہریانہ اسمبلی انتخابات کے لیے کانگریس اور عام آدمی پارٹی کے درمیان اتحاد کے لیے جاری کوششیں اب مکمل طور پر ختم ہو گئی ہیں۔ دونوں جماعتوں نے اپنے امیدواروں کے ناموں کا اعلان بھی شروع کر دیا ہے۔

“شاید عام آدمی پارٹی اتحاد نہیں چاہتی تھی”

عام آدمی پارٹی کے ساتھ اتحاد نہ کرنے کے سوال پر، اپوزیشن لیڈر اور گڑھی سمپلا کلوئی اسمبلی حلقہ سے کانگریس کے امیدوار بھوپیندر سنگھ ہڈا نے کہا، “ہم نے کوشش کی لیکن انہوں نے اپنے امیدواروں کا اعلان کر دیا ہے۔ شاید عام آدمی پارٹی اتحاد نہیں کرنا چاہتی تھی۔

نامزدگی داخل کی

اس دوران بھوپیندر سنگھ ہڈا نے کہا کہ “ہریانہ کے لوگوں نے بھی اپنا ذہن بنا لیا ہے کہ کانگریس کی حکومت لانی ہے۔ اس لیے بی جے پی حکومت کے خاتمہ کا وقت آگیا ہے اور کانگریس پارٹی کی حکومت آ رہی ہے۔ انہوں نے مزید کہا کہ ہریانہ کی 36 برادریوں نے فیصلہ کیا ہے کہ بی جے پی کو اقتدار سے بے دخل کرنا ہے اور کانگریس کو لانا ہے۔ آپ کو بتا دیں کہ بھوپیندر سنگھ ہڈا نے آج گڑھی سمپلا-کلوئی اسمبلی حلقہ سے اپنا پرچہ نامزدگی داخل کیا۔