Weather Update: شدید گرمی نے توڑا ریکارڈ، تین ریاستوں میں درجہ حرارت 45 ڈگری سے تجاوز کر گیا، جانئے آج کیسا رہے گا موسم

Weather Update: ہندوستان کے محکمہ موسمیات نے پیر کو کہا کہ تیز سطحی ہواؤں کی وجہ سے دہلی میں اگلے دو دنوں میں زیادہ سے زیادہ درجہ حرارت 35 ڈگری سیلسیس تک گر جائے گا۔ محکمہ موسمیات کا کہنا ہے کہ منگل کو کم سے کم اور زیادہ سے زیادہ درجہ حرارت بالترتیب 37 اور 22 ڈگری سینٹی گریڈ رہنے کا امکان ہے۔ پیر کو دن کا زیادہ سے زیادہ درجہ حرارت 38.3 ڈگری سیلسیس اور کم سے کم درجہ حرارت 22.8 ڈگری ریکارڈ کیا گیا جو کہ معمول سے ایک ڈگری کم ہے۔

محکمہ موسمیات کی پیشگوئی کے مطابق منگل کو درجہ حرارت ایک سے دو ڈگری تک گرے گا۔ 2 مئی کے بعد دوبارہ درجہ حرارت میں اضافے کا امکان ہے۔ 5 مئی تک درجہ حرارت میں پانچ ڈگری تک اضافے کی توقع ہے۔ 4 مئی کو گرج چمک کے ساتھ بارش کی پیش گوئی کی گئی ہے۔ آنے والے دنوں میں قومی راجدھانی میں آسمان صاف رہے گا اور 30 ​​سے ​​40 کلومیٹر فی گھنٹہ کی رفتار سے تیز ہوائیں چلیں گی۔ پیر کو دن کے دوران ہوا میں نمی کا تناسب 23 فیصد سے 72 فیصد کے درمیان رہا۔

45 ڈگری سے تجاوز کر گیا درجہ حرارت

محکمہ موسمیات نے ایکس ہنڈل پر کہا کہ، گزشتہ 24 گھنٹوں کے دوران اتر پردیش، مغربی بنگال کے ساحلی علاقے، سوراشٹرا، کچھ، اڈیشہ، بہار، تلنگانہ، آندھرا پردیش اور کیرلہ کے زیادہ تر علاقوں میں زیادہ سے زیادہ درجہ حرارت 40-44 ڈگری سیلسیس کے درمیان درج کیا گیا۔ مغربی بنگال کے کالی کنڈا اور سوراشٹرا-کچھ کے کنڈلا میں زیادہ سے زیادہ درجہ حرارت 45.4 ڈگری ریکارڈ کیا گیا، جو پورے ملک میں سب سے زیادہ ہے۔ اس کے علاوہ آندھرا پردیش کے نندیال میں 45 ڈگری درجہ حرارت ریکارڈ کیا گیا۔

راجستھان کے کئی علاقوں میں ہلکی بارش

نئی ویسٹرن ڈسٹربنس کے اثر کی وجہ سے راجستھان کے کئی علاقوں میں گزشتہ 24 گھنٹوں میں گرج چمک کے ساتھ ہلکی بارش ریکارڈ کی گئی۔ موسمیاتی مرکز جے پور کے مطابق، منگل کو بھی بکانیر ڈویژن میں کچھ مقامات پر گرج چمک کے ساتھ ہلکی بارش کا امکان ہے۔ باقی بیشتر حصوں میں اگلے تین سے چار دنوں تک موسم بنیادی طور پر خشک رہنے کا قوی امکان ہے۔

یہ بھی پڑھیں- Mamata Banerjee remarks on UCC: یوسی سی سے ہندوؤں کو نہیں ہوگا کوئی فائدہ ،بنگال میں کانگریس اور کمیونسٹ پارٹی بی جے پی کی دوآنکھیں: ممتابنرجی

شمالی ہواؤں کے اثر سے آئندہ 48 گھنٹوں کے دوران کم سے کم اور زیادہ سے زیادہ درجہ حرارت میں 2 سے 3 ڈگری سینٹی گریڈ کی کمی کا امکان ہے۔ موسمی مرکز نے کہا کہ ایک اور کمزور مغربی ڈسٹربنس کے اثر کی وجہ سے 4 مئی کو مغربی اور شمالی راجستھان میں الگ تھلگ مقامات پر گرج چمک کے ساتھ ہلکی بارش کا امکان ہے۔

-بھارت ایکسپریس