وقف ترمیمی بل پرکانگریس نے شروع کی تیاری، ملیکا ارجن کھڑگے نے بلائی میٹنگ، اراکین پارلیمنٹ کے ساتھ بھی ہوگی میٹنگ

نئی دہلی: وقف ترمیمی بل بدھ کو لوک سبھا میں پیش کیا جائے گا۔ بی جے پی نے اپنے سبھی اراکین پارلیمنٹ سے کل ایوان میں موجود رہنے کے لئے کہا ہے۔ دوسری جانب، بل کی مخالفت کررہی کانگریس نے بھی کمرکس رکھی ہے۔ کانگریس نے اپنے سبھی اراکین پارلیمنٹ سے کہا ہے کہ وہ کل لوک سبھا میں موجود رہیں۔ ساتھ ہی صبح 9:30 بجے راہل گاندھی کے ساتھ اراکین پارلیمنٹ کی بڑی میٹنگ ہوگی۔ اس میں بھی سبھی اراکین پارلیمنٹ کی موجودگی لازمی ہے۔ اس میٹنگ سے پہلے منگل کی شام 6 بجے کانگریس صدرملیکا ارجن کھڑگے کے ساتھ اپوزیشن پارٹیوں کے فلورلیڈران کی میٹنگ ہوگی۔

ایوان میں بل آنے سے پہلے منگل کولوک سبھا اسپیکراوم برلا کی صدارت میں بزنس ایڈوائزری کمیٹی (بی اے سی) کی میٹنگ ہوئی۔ میٹنگ میں اپوزیشن نے بل پربحث کے لئے 12 گھنٹے کا وقت مانگا۔ جبکہ حکومت نے کم وقت رکھنے پرزوردیا۔ اس موضوع پرحکومت اوراپوزیشن کے درمیان تلخ نوک جھونک ہوئی۔ اپوزیشن پارٹیوں کے لیڈرمیٹنگ چھوڑکرباہرآگئے۔ لوک سبھا میں کانگریس کے ڈپٹی لیڈرگوروگوگوئی نے کہا کہ ہم میٹنگ سے باہراس لئے آئے کیونکہ حکومت اپنا ایجنڈا تھوپ رہی ہے۔ اپوزیشن کوموقع ہی نہیں دیا جا رہا ہے۔

ہمارے مشورے کوکیا گیا ہے نظرانداز