Uttarakhand UCC Report: اتراکھنڈ یو سی سی رپورٹ کل ہوگی جاری، عوامی آبادی کنٹرول سے متعلق سامنے آئی بڑی جانکاری

Uttarakhand UCC Report: اتراکھنڈ کی یونیفارم سول کوڈ (یوسی سی) رپورٹ کو جمعہ (12 جولائی) کوعوامی کردیا جائے گا۔ اس میں عوامی آبادی کنٹرول قانون سے متعلق بھی بات کی گئی ہے۔ یوسی سی رپورٹ میں عوامی آبادی کنٹرول کا ذکرکیا گیا ہے، لیکن اسے یوسی سی میں شامل نہیں کیا گیا ہے۔ اسی طرح سے یوسی سی رپورٹ میں گود لینے کے حقوق کا ذکرہے، جسے قانون میں شامل نہیں کیا گیا ہے۔ رپورٹ کے والیوم 1 اور والیوم 3 کو عوامی کیا جائے گا۔

میڈیا کے مطابق، اتراکھنڈ حکومت کے ذریعہ یوسی سی رپورٹ کے 400 صفحات کو عوامی کیا جانے والا ہے۔ یہاں سب سے بڑا سوال عوامی آبادی کنٹرول سے متعلق تھا، جس کا ویسے تو بہت زیادہ ذکرکیا گیا۔ مگرجب یوسی سی کو نافذ کیا گیا تو اس میں اس کا کوئی ذکرنہیں تھا۔ اب حکومت جب رپورٹ کوعوامی کرے گی تو اس بات کی بھی جانکاری سامنے آئے گی کہ آخر کن وجوہات سے عوامی آبادی کنٹرول کوشامل نہیں کیا گیا۔

یوسی سی نافذ کرنے والا پہلا صوبہ ہے اتراکھنڈ

اتراکھنڈ حکومت نے 13 مارچ، 2024 کویوسی سی کا نوٹیفکیشن جاری کیا تھا۔ اس کے ساتھ ہی یوسی سی نافذ کرنے والا اتراکھنڈ پہلا صوبہ بنا۔ صدرجمہوریہ دروپدی مرمو سے منظوری ملنے کے بعد یو سی سی کو نافذ کردیا گیا تھا۔ اس کے ساتھ ہی اتراکھنڈ میں شادی، طلاق، وراثت اور لیوان ریلیشن شپ سے متعلق قانون پوری طرح سے بدل گئے۔ اتراکھنڈ اسمبلی سے اسی سال فروری میں یونیفارم سول کوڈ کو منظورکیا گیا تھا۔

بھارت ایکسپریس۔