قومی

Uttam Nagar Murder Case: دہلی ہائی کورٹ کا پولیس کو حکم، ”اتم نگرمیں عید الفطر کے موقع پرماحول نہ خراب کریں، سخت کی جائے سیکورٹی“

دہلی ہائی کورٹ نے دہلی پولیس کو یہ یقینی بنانے کو کہا ہے کہ اتم نگر میں عید کے موقع پرماحول نہ خراب ہو۔ عدالت نے کہا کہ پولیس سیکورٹی کے پختہ انتظامات کرنے سمیت تمام احتیاطی اقدامات کریں تاکہ عید کا تہوار پُرامن بنایا جاسکے۔ عدالت نے امید کا اظہارکیا کہ معاشرے کے تمام طبقات امن اورہم آہنگی کو برقراررکھنے کے لیے تحمل کا مظاہرہ کریں گے۔

دہلی پولیس نے عدالت سے کیا کہا؟

دہلی پولیس کی طرف سے عدالت کویقین دہانی کرائی گئی کہ ہولی پرنوجوان کے قتل کے بعد سے ہی سیکورٹی کے بے حد پختہ انتظامات کئے گئے ہیں۔ مرکزی سیکورٹی اہلکاروں کو بھی تعینات کیا گیا ہے۔ دوارکا ضلع کے 11 پولیس تھانوں میں مسلح پولیس کی 8 کمپنیاں تعینات کی گئی ہیں۔ اس کے علاوہ لا اینڈ آرڈر بنائے رکھنے کے لئے 400 پولیس اہلکار لگائے گئے ہیں۔ سوشل میڈیا اکاونٹ پر نظررکھی جا رہی ہے۔

عدالت میں داخل کی گئی تھیں دوعرضیاں

واضح رہے کہ اتم نگرقتل سانحہ سے متعلق ہائی کورٹ میں سیکورٹی سے متعلق دوعرضیاں داخل کی گئی تھیں۔ علاقے میں امن وامان خراب کرنے اورتشدد ہونے کے خدشات سے متعلق ہائی کورٹ میں دوعرضیاں داخل کی گئی تھیں۔ ہائی کورٹ سے اس علاقے میں سیکورٹی کے پختہ انتظامات کئے جانے کا مطالبہ کیا گیا تھا۔ ایک عرضی گزارنے کہا کہ اس نے پولیس کومیمورنڈم دیا ہے، لیکن پولیس نے کوئی کارروائی نہیں کی۔ عرضیوں میں خدشہ ظاہرکیا گیا ہے کہ علاقے میں چل رہی سرگرمیوں کے پیش نظرتشدد ہوسکتا ہے۔

قلعہ میں تبدیل ہوا علاقہ

اتم نگرمیں 4 مارچ کوایک شخص کے قتل کے بعد سے فرقہ وارانہ کشیدگی پیدا ہوئی ہے۔ اتم نگرسمیت الگ الگ مقامات پرعید الفطر سے پہلے سیکورٹی کے سخت بندوبست کئے گئے ہیں۔ اس کے تحت ضلع میں 100 سے زیادہ مقامات پرچیکنگ چوکی بنائی گئی ہے جبکہ سیکورٹی اہلکارچھتوں پرسے نگرانی کررہے ہیں۔

4 مارچ کو ہولی کے دن جے جے کالونی علاقے میں 26 سال کے ترون کی فیملی اورپڑوسیوں کے درمیان ہوئے تصادم کے دوران ترون کا قتل کردیا گیا تھا۔ پولیس کے مطابق، تشدد اس وقت ہوا جب ترون کی فیملی کی ایک لڑکی کے ذریعہ پھینکے گئے غبارے کا پانی پڑوسی کی ایک خاتون پرجاکرگرا۔ بعد میں کچھ ہندو تنظیموں نے اس قتل کی مخالفت میں احتجاج کیا اور ملزمین کی فیملی کی دوگاڑیوں کوآگ کے حوالے کردیا۔ پولیس نے اس معاملے میں 12 لوگوں کوگرفتارکیا ہے، جبکہ دو نابالغ پکڑے ہیں۔ پولیس کے مطابق، مساجد، عیدگاہوں اوردیگر مذہبی مقامات پرخصوصی دھیان دیا جا رہا ہے، جہاں بڑی تعداد میں لوگوں کے جمع ہونے کی امید ہے۔

بھارت ایکسپریس اردو- 

Nisar Ahmad

Recent Posts

یوگی کے گڑھ گورکھپور میں اکھلیش یادو کابڑا سیاسی شو، 20 کلومیٹر روڈ شو میں امڑی بھیڑ، بی جے پی کے صفائے کا دعویٰ

سماجوادی پارٹی کے سربراہ اکھلیش یادو بدھ کے روز اپنے پی ڈی اے رتھ کے…

2 hours ago

Social Justice Summit: سشما سوراج بھون میں سجے گا سماجی انصاف کا عظیم الشان پلیٹ فارم، وزیر اعظم مودی اختتامی اجلاس سے کریں گے خطاب

19 نومبر کو نئی دہلی میں منعقدہ دو روزہ محکمہ جاتی کانفرنس کے اختتامی اجلاس…

4 hours ago

PM Modi Meets Prince William and Kate: وزیر اعظم نریندر مودی کی پرنس ولیم اور شہزادی کیٹ سے ملاقات، ’ارتھ شاٹ پرائز‘ کی کوششوں کو سراہا

وزیر اعظم نے ماحولیاتی مسائل کے حل کے لیے نئی اختراعات اور ہندوستانی صلاحیتوں کو…

4 hours ago

Ukraine Crisis: کیا یوکرین جنگ ختم ہوگی؟ الاسکا میں ناکام مذاکرات کے بعد کل ٹرمپ اور پوتن کی اہم ملاقات

چین میں ٹرمپ، شی جن پنگ اور ولادیمیر پوتن کی پہلی سہ فریقی ملاقات، یوکرین…

4 hours ago