بھارتی معیشت کی کارکردگی مسلسل جاری ہے۔ نئے مہینے کے آغاز کے ساتھ ہی نیشنل پیمنٹ کارپوریشن آف انڈیا (NPCI) نے نومبر میں یو پی آئی کے اعداد و شمار جاری کر دیے ہیں۔ پیر کو جاری ڈیٹا کے مطابق، نومبر میں یو پی آئی ٹرانزیکشن میں 32 فیصد کا اضافہ درج کیا گیا ہے۔ گزشتہ مہینے کل 20.47 ارب یو پی آئی ٹرانزیکشن ریکارڈ کیے گئے۔ این پی سی آئی کے مطابق نومبر میں کل ٹرانزیکشن ویلیو 26.32 لاکھ کروڑ روپے رہی، جو گزشتہ برس کے مقابلے 22 فیصد زیادہ ہے۔ گزشتہ مہینے ڈیلی ٹرانزیکشن کاؤنٹ 682 ملین رہا۔ جبکہ اوسطاً روزانہ 87,721 کروڑ روپے کے ٹرانزیکشن درج ہوئے۔
اکتوبر میں 20.70 ارب ٹرانزیکشن
گزشتہ اکتوبر میں یو پی آئی ٹرانزیکشن کی کل تعداد 20.70 ارب رہی، جو گزشتہ سال سے 25 فیصد زیادہ تھی۔ اکتوبر میں یو پی آئی ٹرانزیکشن ویلیو 27.28 لاکھ کروڑ روپے رہی اور سالانہ بنیاد پر اس میں 16 فیصد کا اضافہ ہوا۔
IMPS ٹرانزیکشن میں 10 فیصد اضافہ
این پی سی آئی نے (IMPS) Immediate Payment Service کے اعداد و شمار بھی جاری کیے۔ نومبر میں 369 ملین آئی ایم پی ایس ٹرانزیکشن ہوئے اور کل ویلیو 6.15 لاکھ کروڑ روپے رہی۔ گزشتہ سال کے مقابلے IMPS ویلیو میں 10 فیصد اضافہ ریکارڈ کیا گیا۔ اوسطاً روزانہ 12.30 ملین ٹرانزیکشن اور اوسط روزانہ 20,506 کروڑ روپے کی ویلیو رہی۔ بتا دیں کہ این پی سی آئی نے 2016 میں یو پی آئی کو لانچ کیا تھا، جس نے ملک میں پیسے بھیجنے اور وصول کرنے کے طریقے میں انقلابی تبدیلی پیدا کی۔ یو پی آئی صارف کے تمام بینک اکاؤنٹس کو ایک موبائل ایپ پر جوڑتا ہے اور صرف ایک ٹیپ پر پیسے بھیجنے کی سہولت فراہم کرتا ہے۔ یو پی آئی بھارت کو کیش اور کارڈ بیسڈ سسٹم سے نکال کر ڈیجیٹل فرسٹ اکانومی کی طرف لے جانے میں کلیدی کردار ادا کر رہا ہے۔
بھارت ایکسپریس اردو۔
کانگریس لیڈر سید ناصر حسین نے اقلیتوں کو نشانہ بنانے کا الزام لگاتے ہوئے کہا…
دودھ، انڈے، گوشت اور مچھلی کی پیداوار میں ریاست کو خود کفیل بنانے کا ہدف،…
جے رام رمیش نے اس معاملے میں ایف آئی آر درج کرنے میں تاخیر پر…
سونے کی قیمتوں میں گراوٹ کے بعد وزیر اعظم کے پرانے مشورے کی تعریف، لاکھوں…
ایس جے شنکر اور بلغاریہ کی وزیر خارجہ کے درمیان اہم مذاکرات۔ بھارت اور بلغاریہ…
مرکزی وزیر داخلہ نے کہا کہ ہندوستانی فوج اور انڈو تبت بارڈر پولیس کے جوان…