UP Lok Sabha Exit Poll 2024: افضال انصاری نے بھی انڈیا اتحاد کی جیت کا کردیا دعویٰ، رام مندر اور مودی فیکٹر کو بتایا ناکام

لوک سبھا انتخابات کے لیے ووٹنگ کا عمل مکمل ہو چکا ہے اور نتائج کا اعلان 4 جون کو ہونا ہے۔ ووٹنگ کے بعد آنے والے بیشتر ایگزٹ پولز میں این ڈی اے کی حکومت بنانے کی پیشین گوئی کی جا رہی ہے، لیکن غازی پور سے انڈیا الائنس کے ایس پی امیدوار افضال انصاری کا دعویٰ ایگزٹ پول سے بالکل مختلف ہے۔ افضال انصاری کے مطابق بھارت میں انڈیا الائنس کی  حکومت بننے جا رہی ہے ۔اوم پرکاش راج بھر کے ساتھ تعلقات کے بارے میں میڈیا کے سوال پر، افضال انصاری کہتے ہیں کہ کل بھی اور آج بھی ان (اوم پرکاش راج بھر) سے پوری ہمدردی تھی۔ اس کے دل میں بھی میرے لیے برابر کی جگہ ہے۔ انہوں نے برجیش سنگھ کے سبھاشپا سے الیکشن لڑنے کی قیاس آرائیوں پر بھی میڈیا سے بات کی اور کہا کہ بی جے پی والے انہیں پچھلے دروازے سے لانا چاہتے ہیں۔ انہیں سامنے سے لایا جائے۔

افضال انصاری نے دعویٰ کیا کہ مودی اور رام مندر کے فیکٹر نے انتخابات میں کوئی کردار ادا نہیں کیا اور این ڈی اے دو سو سیٹوں کے اعداد و شمار تک نہیں پہنچ پائے گی۔ افضال انصاری دعویٰ کر رہے ہیں کہ انڈیا الائنس کو تین سو سے زیادہ سیٹیں ملیں گی۔ جیت کے ہر کسی کے اپنے دعوے ہیں اور کس کا ایگزٹ پول درست ثابت ہوتا ہے اس کا فیصلہ 4 جون کو ہی ہو گا، لیکن افضال انصاری اپنی اور  انڈیااتحاد کی جیت کے بارے میں مکمل طور پر پراعتماد نظر آتے ہیں۔ غازی پور میں ان کا مقابلہ بی جے پی کے پارس ناتھ رائے اور بی ایس پی کے امیش سنگھ سے ہے۔

لوک سبھا انتخابات 2024 کے اختتام کے بعد اب ایگزٹ پول بھی سامنے آگئے ہیں اور ملک میں انتخابات سے متعلق ایگزٹ پول کرنے والی بیشتر ایجنسیوں نے اپنا  پول جاری کردیا ہے۔ اے بی پی  سی ووٹر سے لیکر چانکیہ ٹوڈے تک، آج تک ایکسس مائی پول سے لیکر بھارت ایکسپریس نیوز نیٹ ورک تک، بیشتر ایجنسیوں اور میڈیا گھرانوں کی جانب سے ایگزٹ پول جاری کردیا گیا ہے۔ تمام ایگزٹ میں ایک چیز کو مشترک ہے وہ یہ ہے کہ ایک بار پھر مرکز میں این ڈی اے کی حکومت بننے جارہی ہےا ور بہت آسانی کے ساتھ حکومت بننے جارہی ہے۔ بیشتر ایگزٹ پول میں این ڈی اے کو 300 سے زائد سیٹیں مل رہی ہیں جبکہ حکومت سازی کیلئے 272 سیٹوں کی ضرورت ہے۔ البتہ ایکزٹ پول کے مطابق این ڈی اے350 سے زیادہ سیٹیں حاصل کرکے مرکز میں ہیٹ ٹرک لگانے جارہی ہے۔

بھارت ایکسپریس۔