قومی

Uddhav Thackeray’s convoy attacked with cow dung: ادھو ٹھاکرے کے قافلے پر گائے کے گوبر سے حملہ، راج ٹھاکرے کی پارٹی نے کہا- گھر میں گھس کر ماریں گے

ممبئی: مہاراشٹر کے سابق وزیر اعلیٰ اور شیو سینا (یو بی ٹی) کے سربراہ ادھو ٹھاکرے کے قافلے پر مہاراشٹر نو نرمان سینا کے کارکنوں نے گائے کے گوبر سے حملہ کیا ہے۔ ایم این ایس نے دھمکی دیتے ہوئے کہا ہے کہ اگر کوئی شیوسینک راج ٹھاکرے کے خلاف جائے گا تو اس کے ساتھ ایسا ہی ہوگا۔ اور انہیں گھر میں گھس کر مارا جائے گا۔ اب اس واقعہ کو لے کر مہاراشٹر میں سیاست تیز ہو گئی ہے۔

’’راج ٹھاکرے کی پارٹی سپاری باز‘‘

شیو سینا (یو بی ٹی) نے راج ٹھاکرے پر زبانی حملہ کیا اور ان کی پارٹی کو سپاری باز قرار دیا۔ شیو سینا (یو بی ٹی) کے ترجمان آنند دوبے نے کہا، ’’اب یہ سمجھ میں آیا ہے کہ راج ٹھاکرے اور ان کی پارٹی کو سپاری باز کیوں کہا جاتا ہے۔ جس طرح سے تھانے میں ادھو ٹھاکرے کے قافلے پر حملہ کیا گیا ہے۔ یہ واقعہ حکومت پر سوال اٹھاتا ہے کہ وہ مہاراشٹر کے سابق وزیر اعلی کو سیکورٹی کیوں فراہم نہیں کر سکی۔‘‘

وزیر داخلہ سے استعفیٰ کا مطالبہ

شیوسینا (یو بی ٹی) نے مہاراشٹر کے وزیر داخلہ سے استعفیٰ کا مطالبہ کیا ہے۔ انہوں نے کہا کہ ریاست میں لاء اینڈ آرڈر تباہ ہوچکا ہے۔ اگر اس طرح کے حملے سی ایم ایکناتھ شندے کے آبائی ضلع میں ہوتے ہیں تو صاف ہے کہ اس کے لیے سپاری لی گئی ہے۔ پہلے لوگ کہتے تھے کہ راج ٹھاکرے اور ان کی پارٹی سپاری باز ہیں۔ لیکن اب اس بات کی تصدیق ہوگئی ہے کہ جس طرح ہمارے لیڈر ادھو ٹھاکرے کے قافلے پر تھانے میں حملہ ہوا ہے۔ یہ بہت شرمناک ہے۔ ایکناتھ شندے کی حکومت پوری طرح ناکام ہو چکی ہے۔ دیویندر فڑنویس کو استعفیٰ دینا چاہیے۔

’’گھر میں گھس کر پیٹا جائے گا‘‘

ساتھ ہی مہاراشٹر نو نرمان سینا نے ادھو ٹھاکرے پر حملے کی ذمہ داری قبول کر لی ہے۔ MNS تھانے-پالگھر ضلع کے صدر اویناش جادھو نے کہا، ’’کچھ شیو سینکوں نے راج ٹھاکرے کی گاڑی کے سامنے احتجاج کرنے کی کوشش کی تھی۔ ایم این ایس نے بھی اس پر ردعمل ظاہر کیا ہے۔ ہمارے کارکنوں نے 15 سے زائد گاڑیوں پر گوبر پھینکا ہے۔ اگر کوئی شیوسینک راج ٹھاکرے کے خلاف جائے گا تو اسے بھی ایسا ہی جواب دیا جائے گا۔ اور انہیں گھر میں گھس کر پیٹا جائے گا۔

بھارت ایکسپریس۔

Md Hammad

Recent Posts

Prime Minister Narendra Modi: اے آئی ہو یا کوئی نئی ٹیکنالوجی، ہنرمند شخص کی روزی روٹی کوئی نہیں چھین سکتا: وزیر اعظم مودی

وزیر اعظم نے کہا کہ ہنرمندی کے ذریعے لوگوں کو بااختیار بنانا اور ان کے…

41 minutes ago

Balendra Shah India Visit: نیپال کے وزیر اعظم بالیندر شاہ آج پہنچیں گے بھارت، پیر کو وزیر اعظم مودی کے ساتھ ہوگی اہم ملاقات

بھارتی وزارت خارجہ نے اپنے بیان میں کہا ہے کہ بھارت اور نیپال کے درمیان…

1 hour ago

Rajasthan Road Accident: راجستھان میں دو خوفناک سڑک حادثے، 12 افراد جاں بحق، ایک ہی خاندان کے 9 افراد کی موت

ابتدائی اطلاعات کے مطابق، حادثے کی ممکنہ وجہ ڈرائیور کو نیند کی جھپکی آنا بتائی…

2 hours ago

Delhi AQI Today: دہلی کی فضا میں گھلا زہر، کئی علاقوں میں سانس لینا دشوار، جانئے کہاں کتنا ہے اے کیو آئی

فی الحال دہلی-این سی آر میں گریڈیڈ رسپانس ایکشن پلان (جی آر اے پی) کے…

4 hours ago