Delhi: جمعہ کو جنوبی دہلی کے جیت پور علاقے میں ایک خالی پلاٹ کی دیوار گرنے سے سڑک پر سے گزرنے والے آٹھ اور پانچ سال کے دو بچوں کی موت ہو گئی۔ پولیس نے بتایا کہ ایک چھ سالہ بچی شدید زخمی ہے اور ہسپتال میں اپنی زندگی کی جنگ لڑ رہی ہے۔ مرنے والوں کی شناخت ایشان (8) اور حمزہ (5) کے نام سے ہوئی ہے جب کہ چھ سالہ روشنی کا علاج جاری ہے۔
سبھی جیت پور ایکسٹینشن-2 کے رہائشی اور پڑوسی ہیں۔ پولیس کے ڈپٹی کمشنر، جنوب مشرقی، راجیش دیو نے کہا کہ شام تقریباً 6.30 بجے ایک دیوار گرنے سے ایک لڑکے کی موت اور دو دیگر کے زخمی ہونے کی اطلاع موصول ہوئی۔ انہوں نے کہا، “پولیس کنٹرول روم (PCR) کال کو ضروری کارروائی کے لیے مقامی پولیس کو بھیج دیا گیا تھا۔ موقع پر پہنچنے پر پتہ چلا کہ زخمیوں کو نامعلوم اسپتال لے جایا گیا ہے۔”
دیوار کا ایک حصہ گرا
واقعہ کی جگہ ایک خالی پلاٹ تھا جس کے چاروں طرف 10 سال پرانی اینٹوں کی دیوار تھی جس کا ایک حصہ خود ہی گر گیا۔ انہوں نے کہا، “بچے سڑک سے گزر رہے تھے جب یہ پرانی دیوار گر گئی۔ کرائم ٹیم موقع پر موجود ہے۔” تحقیقات سے وابستہ ایک افسر نے بتایا کہ ایشان کو جامعہ نگر کے الشفاء اسپتال میں ڈاکٹروں نے مردہ قرار دیا اور حمزہ کو بھی ایمس میں مردہ قرار دے دیا گیا ۔ اہلکار نے بتایا کہ تیسرے زخمی کی شناخت روشنی کے نام سے ہوئی ہے جس کا علاج چل رہا ہے۔
آپ کو بتاتے ہیں کہ خستہ حال دیوار کے پاس تہہ خانے کی کھدائی کے لیے مٹی ڈالی جا رہی تھی۔ جس کی وجہ سے اس دیوار پر مسلسل دباؤ تھا۔ اس وجہ سے دیوار گر گئی۔ قابل ذکر ہے کہ دہلی میں مسلسل بڑھتی ہوئی آلودگی کی وجہ سے کسی بھی طرح کی تعمیر پر پابندی ہے۔ حادثے کے بعد لواحقین کا برا حال ہے اور وہ زارو قطاررو رہے ہیں۔
-بھارت ایکسپریس
ودیا بالن نے کئی شاندارفلمیں کی ہیں۔ وہیں ایک فلم کا بجٹ کم ہونے کی…
اسرائیل کی فوج موجودہ وقت میں بڑے حملے کی تیاری میں ہے۔ اسرائیلی میڈیا رپورٹ…
ایگزٹ پول کے مطابق ہریانہ میں کانگریس کی حکومت بنتی ہوئی نظرآرہی ہے۔ حالانکہ 8…
ہندوستان اوربنگلہ دیش کے درمیان تین میچوں کی ٹی-20 سیریز کھیلی جانی ہے، جس کی…
شملہ ضلع عدالت کے ذریعہ سنجولی میں مسجد کی مبینہ غیرقانی تعمیرات کو منہدم کرنے…
انل وج نے کہا کہ ہریانہ کی تمام 90 سیٹوں پر بی جے پی کی…