Chaos Erupts in JPC Meeting: وقف بورڈ کی میٹنگ میں ہوئی جھڑپ،ٹی ایم سی رکن پارلیمنٹ کلیان بنرجی ہوئے زخمی

Chaos Erupts in JPC Meeting: وقف ترمیمی بل پر پارلیمانی کمیٹی کی میٹنگ میں آج جھڑپ کی خبر سامنے آئی ہے۔ ٹی ایم سی رکن پارلیمنٹ کلیان بنرجی اور بی جے پی رکن پارلیمنٹ ابھیجیت گنگوپادھیائے کے بیچ زبردست جھڑپ ہوئی، جس کے نتیجے میں کلیان بنرجی زخمی ہوگئے ہیں۔ جے پی سی میٹنگ میں دونوں لیڈروں کے درمیان گرما گرم جھڑپ کے دوران کلیان بنرجی نے شیشے کی پانی کی بوتل توڑ دی، جس کی وجہ سے ان کا ہاتھ زخمی ہوگیا۔ جس کی وجہ سے ان کے ہاتھ میں چار ٹانکے لگے۔

وقف بل کے لیے جے پی سی کی میٹنگ میں بی جے پی اور ٹی ایم سی کے درمیان زبردست جھڑپ ہوئی جس میں کلیان بنرجی زخمی ہو گئے۔ ذرائع سے موصولہ اطلاع کے مطابق وقف بل پر جے پی سی (مشترکہ پارلیمانی کمیٹی) کی میٹنگ پارلیمنٹ انیکسی میں شروع ہوئی اور میٹنگ کے دوران ہاتھا پائی کے بعد اسے کچھ دیر کے لیے روک دیا گیا۔ واقعہ کے عینی شاہدین کے مطابق ٹی ایم سی کے رکن پارلیمنٹ کلیان بنرجی نے وہاں رکھی شیشے کی پانی کی بوتل اٹھا کر میز پر پھینک دی اور اس کی وجہ وہ خود زخمی ہو گئے۔

یہ بھی پڑھیں- Bomb Threats In Schools:ملک بھر میں سی آر پی ایف کے اسکولوں کو بم سے نشانہ بنانے کی دھمکی، میل کے ذریعے بھیجا گیا پیغام

قابل ذکر ہے کہ میٹنگ کے دوران بی جے پی ایم پی ابھیجیت گنگوپادھیائے اور کلیان بنرجی کے درمیان جھگڑا ہوگیا، جس کی وجہ سے کلیان بنرجی غصے میں آگئے اور انہوں نے قریب میں رکھی بوتل میز پر پھینک دی، جس سے ان کا ہاتھ زخمی ہوگیا۔

جے پی سی میٹنگ میں ہنگامہ، بی جے پی کا الزام

ٹی ایم سی ایم پی کلیان بنرجی کے ہاتھ پر چوٹ آئی ہے، جس پر بی جے پی نے الزام لگایا ہے کہ یہ پانی کی بوتل تھی جسے کلیان بنرجی نے غصے میں میز پر پھینک دیا اور بی جے پی ارکان نے الزام لگایا کہ کلیان نے اسے چیئرمین کی طرف پھینکا، جس کی وجہ سے وہ زخمی ہوگئے۔اور انہیں  چوٹ لگی۔واقعے کے بعد کلیان بنرجی کی انگلی پر بینڈ یڈ لگائی گئی ہے جو کٹ گئی تھی۔ وہیں دوسری جانب اپوزیشن ممبران پارلیمنٹ بی جے پی ممبران پارلیمنٹ کو ذمہ دار ٹھہرا رہے ہیں۔

-بھارت ایکسپریس