Attack on ED Team: ای ڈی افسران پر حملہ کیس میں اب تک تین ایف آئی آر، گری راج سنگھ نے کہا – بنگال میں کم جونگ ان کی حکومت

Attack on ED Team: جمعہ (5 جنوری) کو مغربی بنگال میں ای ڈی ٹیم پر حملے کے سلسلے میں تین ایف آئی آر درج کی گئی ہیں۔ ان میں سے ایک ایف آئی آر ای ڈی نے درج کی ہے، دوسری مغربی بنگال پولیس نے، جبکہ تیسری ایف آئی آر شاہجہان شیخ نے ای ڈی کے خلاف درج کرائی ہے۔ دوسری طرف مرکزی وزیر گری راج سنگھ نے ای ڈی ٹیم پر حملے کو لے کر ممتا حکومت کو نشانہ بنایا ہے۔ انہوں نے کہا کہ کم جونگ ان بنگال پر حکومت کر رہے ہیں۔

بتایا جا رہا ہے کہ شمالی 24 پرگنہ ضلع کے سندیش کھلی میں کل ای ڈی افسران پر حملے کی پہلی ایف آئی آر ٹی ایم سی لیڈر شیخ شاہجہان کے نگراں نے نجات پولیس اسٹیشن میں درج کرائی ہے۔ اس میں کہا گیا ہے کہ ای ڈی کے اہلکار بغیر کسی سرچ وارنٹ یا نوٹس کے دروازہ توڑ کر گھر میں داخل ہوئے۔ دوسری ایف آئی آر نجات پولیس اسٹیشن نے اپنے طور پر نامعلوم افراد کے خلاف میڈیا والوں اور سرکاری ملازمین پر حملہ کرنے کے الزام میں درج کی ہے۔ ای ڈی نے شیخ شاہجہان کے خلاف تیسری ایف آئی آر درج کی ہے۔

کیا ہے سارا معاملہ؟

واضح رہے  کہ جمعہ (5 جنوری) کو ای ڈی کی ٹیم راشن گھوٹالہ معاملے میں ٹی ایم سی لیڈر ایس کے شاہجہان شیخ کے گھر پر چھاپہ مارنے کے لیے شمالی 24 پرگنہ ضلع کے سندیش کھلی گاؤں پہنچی تھی۔ اس کے بعد تقریباً 200 لوگ وہاں آئے اور ای ڈی ٹیم پر حملہ کر دیا۔ ہجوم نے ای ڈی افسران کے ساتھ مرکزی سیکورٹی فورسز کی گاڑیوں کی بھی توڑ پھوڑ کی۔ ٹیم میں ای ڈی کے اسسٹنٹ ڈائریکٹر بھی شامل تھے۔ حملے میں زخمی ہونے والے ای ڈی ٹیم کے ارکان کو کولکاتہ کے مقامی اسپتال میں منتقل کیا گیا ہے۔

یہ بھی پڑھیں- Attack on ED Team: ای ڈی افسران پر حملہ کیس میں اب تک تین ایف آئی آر، گری راج سنگھ نے کہا – بنگال میں کم جونگ ان کی حکومت

گری راج سنگھ نے کیا کم جونگ ان سے موازنہ

ساتھ ہی مرکزی وزیر گری راج سنگھ نے اس معاملے پر ترنمول کانگریس اور مغربی بنگال کی وزیر اعلیٰ ممتا بنرجی پر سخت نشانہ لگایا ہے۔ انہوں نے کہا کہ بنگال میں جمہوریت نہیں ہے۔ ایسا لگتا ہے کہ ممتا بنرجی شمالی کوریا کے آمر کم جونگ ان جیسی حکومت کی قیادت کر رہی ہیں۔

-بھارت ایکسپریس