Strategic Trade will be held between India and America: جون میں ہندوستان اور امریکہ کے درمیان اسٹریٹجک تجارت پر ہوگی پہلی میٹنگ

بھارت اورامریکہ دونوں ممالک کے درمیان تجارت کے حوالے سے پہلی میٹنگ 4-5 جون کو ہوگی۔ امریکہ اورہندوستان کے درمیان میٹنگ کئی بڑے تجارتی معاہدوں کی قیادت کرے گی، برآمدی کنٹرول کو ہموارکرے گی، ہائی ٹیک کامرس کو وسعت دے گی اورانیشیٹوآن کریٹیکل اینڈ ایمرجنگ ٹکنالوجیز(آئی سی ای ٹی) کے نتائج کونافذ کرے گی۔ دونوں ممالک کے درمیان ٹیکنالوجی کی منتقلی پربھی بات چیت ہوگی۔

اس سے قبل دونوں ممالک کے قومی سلامتی کے مشیروں کے درمیان آئی سی ای ٹی کی پہلی بات چیت 31 جنوری کو ہوئی تھی اوراس میں مزید اسٹریٹجک تجارتی ملاقاتیں کرنے کا فیصلہ کیا گیا تھا جب امریکی وزیرتجارت جینا ریمنڈو نے 10 مارچ کو دوطرفہ تجارتی مذاکرات دوبارہ شروع کرنے پرزوردیا تھا۔

وزیراعظم نریندرمودی کا دورہ امریکہ

ہندوستانی سکریٹری خارجہ ونے کواترا ملاقات کے لئے صنعت وسلامتی کے انڈرسیکرٹری ایلن ایسٹیویزسے ملاقات کریں گے۔ اس کے ساتھ ہی وزیراعظم نریندرمودی کے 22 جون کو ہونے والے دورے کے لئے آخری لمحات کی تیاریوں کے لئے اگلے ماہ کے اوائل میں امریکہ جائیں گے۔ آپ کو بتاتے چلیں کہ جون میں پی ایم نریندرمودی امریکی صدرجوبائیڈن سے ملنے وائٹ ہاؤس جا رہے ہیں۔

جاپان میں 21-19 مئی کوجی-7 میٹنگ کے دوران پی ایم مودی کی صدرجو بائیڈن سے ملاقات متوقع ہے۔ اس کے بعد 24 مئی کوکواڈ سربراہی اجلاس کے موقع پراوردونوں رہنما 22 مئی کو پاپوا نیوگنی کے پورٹ مورسبی میں ایک دوسرے سے ملنے کا امکان ہے، جو دوربحرالکاہل کے ممالک کی اہم مصروفیات کا حصہ ہے۔ جب کہ امریکہ سے توقع ہے کہ وہ جزائرسولومن میں چین کے بڑھتے ہوئے سیکورٹی قدموں کا مقابلہ کرنے کے لئے پی این جی کے ساتھ دفاعی تعاون کو کھولے گا۔ وزیراعظم مودی نے دوردرازکے ملک کے ساتھ ہندوستان کی وسیع تر مصروفیت کے حصے کے طور پر جزیرے والے ملک کو 100 ملین ڈالر کی لائن آف کریڈٹ لائن فراہم کریں گے۔