BJP MLA T Raja Singh resigns From Party: تلنگانہ میں بی جے پی کو بڑا جھٹکا، ایم ایل اے ٹی راجا سنگھ نے دے دیا استعفیٰ، جانئے بڑی وجہ

تلنگانہ میں بی جے پی کو بڑا جھٹکا لگا ہے۔ گوش محل کے رکن اسمبلی ٹی راجا سنگھ نے بی جے پی سے استعفیٰ دے دیا ہے۔ بتایا جا رہا ہے کہ ٹی راجا سنگھ تلنگانہ بی جے پی صدر عہدے کا الیکشن لڑنا چاہتے تھے۔ انہوں نے اپنا استعفیٰ تلنگانہ بی جے پی صدر جی کشن ریڈی کو بھیج دیا ہے۔ ٹی راجا سنگھ نے صدمے اورمایوسی کا حوالہ دیتے ہوئے پارٹی کی ابتدائی رکنیت سے استعفیٰ دیا ہے۔

ٹی راجا سنگھ نے تلنگانہ بی جے پی صدر جی کشن ریڈی کو لکھے اپنے استعفیٰ میں کہا کہ میں بہت ہی مایوسی کے ساتھ یہ خط لکھا رہا ہوں۔ تمام میڈیا رپورٹوں سے پتہ چلا ہے کہ رام چندر راؤ کو تلنگانہ بی جے پی کے نئے ریاستی صدر ہوسکتے ہیں۔ یہ فیصلہ میرے لئے کافی حیران کرنے والا تھا۔ نہ صرف میرے لئے بلکہ لاکھوں کارکنان کے لئے جو پوری عقیدت سے میرے ساتھ کھڑے تھے۔ مگر وہ آج مایوس محسوس کررہے ہیں۔

گوش محل کے لوگوں کی خدمت کرتے رہیں گے: ٹی راجا سنگھ

متنازعہ بیانوں اور ہندتوا کے تئیں اپنی شدت پسند شبیہ کے لئے مشہور ٹی راجا سنگھ کے استعفیٰ کی وجہ تلنگانہ بی جے پی میں قیادت کی تنازعہ بتایا جا رہا ہے۔ ٹی راجا سنگھ تلنگانہ میں گوش محل اسمبلی حلقہ سے رکن اسمبلی ہیں۔ رام چندر راؤ کے تلنگانہ بی جے پی صدربننے کے امکان کی وجہ سے ان کی ناراضگی کھل کرسامنے آگئی۔ استعفیٰ کے بعد ٹی راجا سنگھ نے کہا کہ بھلے ہی وہ پارٹی سے الگ ہوگئے ہوں، لیکن ہندتوا اور گوش محل کے لوگوں کی خدمت کریں گے۔ بی جے پی ریاستی صدر جی کشن ریڈی کو خط لکھ کرانہوں نے کہا کہ اب میں بی جے پی کا رکن نہیں ہوں۔ میں پارٹی سے الگ ہوسکتا ہوں، لیکن ہندتوا کے نظریہ اور گوش محل کے لوگوں کی خدمت کے لئے پوری طرح پابند عہد ہوں۔

سال 2018 میں بھی ٹی راجا نے دیا تھا استعفیٰ