تمل ناڈو کے کرور میں ہوئے حادثہ میں 41 افراد ہلاک ہوگئے تھے۔ یہ معاملہ سپریم کورٹ تک پہنچ گیا تھا۔ ڈی ایم کے نے موجودہ ٹی وی کے حکومت (تملیگا ویتری کژگم) کے خلاف عرضی داخل کی تھی۔ وزیراعلیٰ وجے حادثہ کے متاثرہ خاندانوں سے مل کرانہیں معاوضہ اورنوکری دینے والے ہیں۔ ڈی ایم کے کا کہنا تھا کہ وزیراعلیٰ وجے کوروکنا چاہئے، لیکن سپریم کورٹ نے ڈی ایم کے کی عرضی کوخارج کردی ہے۔
سپریم کورٹ نے کہا کہ ہم کسی بھی وزیراعلیٰ کی سرگرمیوں یا کام کاج طے نہیں کریں گے۔ ججوں نے ڈی ایم کے کے وکیل سے کہا کہ وہ عدالت کوسیاسی لڑائی کا اسٹیج نہ بنائیں۔ اگربرسراقتدارٹی وی کے کے لیڈرحادثے سے متعلق بیان دے رہے ہیں توڈی ایم کے بھی اس کے جواب میں بیان دے سکتی ہے۔ یہ لڑائی عدالت کے باہرلڑی جانی چاہئے۔
متاثرین کو10-10 لاکھ روپئے اورنوکری دینے والے ہیں وجے
ڈی ایم کے نے عرضی داخل کرکے کہا تھا کہ گزشتہ سال ٹی وی کے کی ریلی میں ہوئے حادثے کی جانچ کومتاثرکرنے کی کوشش کی جا رہی ہے۔ وزیراعلیٰ وجے 41 لوگوں کی موت والے اس حادثے کے متاثرین کو10-10 لاکھ روپئے معاوضہ اورسرکاری نوکری دینے کے لئے کرورجانے والے ہیں۔ ڈی ایم کے نے اسی کی مخالفت کی تھی۔
کیا ہے پورا معاملہ؟
واضح رہے کہ گزشتہ سال ستمبرمیں ٹی وی کے کی کرورمیں ایک ریلی تھی، جس میں بھگدڑمچ گئی تھی۔ اس دوران 41 لوگوں کی جان چلی گئی تھی۔ اس حادثہ کی جانچ مدراس ہائی کورٹ نے اسپیشل انویسٹی گیشن ٹیم (ایس آئی ٹی) کو سونپی تھی، لیکن سپریم کورٹ نے معاملے کی جانچ ریاستی پولیس سے لے کرسی بی آئی کے ہاتھوں میں دے دی تھی۔ اہم بات یہ ہے کہ جانچ کی نگرانی کورٹ کی ایک کمیٹی کررہی ہے۔ وزیراعلیٰ وجے متاثرہ فیملی سے ملنے والے ہیں۔
بھارت ایکسپریس اردو-
مرکزی وزیر اطلاعات و نشریات اشونی ویشنو نے جمہوریت کو مضبوط بنانے میں میڈیا کے…
اڈانی گرین انرجی لمیٹڈ نے کہا ہے کہ تارالی پمپ اسٹوریج پروجیکٹ میں نہ تو…
آٹھویں پے کمیشن کے تحت یکم جنوری 2026 سے پہلے ریٹائر ہونے والے پنشنروں اور…
وزیر اعظم نریندر مودی کے وکست بھارت 2047 کے ہدف کے تحت آج پیدا ہونے…
گجرات کے ’اننت انادی وڈنگر آثارِ قدیمہ تجرباتی عجائب گھر‘ نے 2026 کا باوقار بین…
وزیر اعظم نریندر مودی نے نمو ایپ پر منعقدہ ’من کی بات کوئز‘ کی اکتوبر…