Maharashtra Ahmednagar Sugar Mill Boiler Blast: مہاراشٹر میں شوگر مل کا بوائیلر پھٹنے سے بڑا حادثہ، چار ٹینکوں میں دھماکہ، کئی مزدور زخمی

مہاراشٹر کے احمد نگر ضلع کی ایک شوگرمل میں ہفتہ کے روز (25 فروری) کو بوائیلر پھٹنے سے بڑا حادثہ پیش آیا ہے۔ بتایا جار ہا ہے کہ آگ لگنے کے سبب چار ٹینکوں میں دھماکے ہوئے ہیں۔ حادثے میں کئی لوگ زخمی بتائے جا رہے ہیں۔

کل کتنے لوگ زخمی ہوئے، اس کی الگ الگ جانکاری سامنے آرہی ہے۔ بتایا جارہا ہے کہ حادثہ کے وقت فیکٹری کے اندر 30 سے زیادہ افراد موجود تھے۔ 6 افراد چپیٹ میں آکر زخمی ہوگئے۔ وہیں کئی لوگوں کے اندر پھنسے ہونے کا خدشہ ہے۔ حادثہ شام کے وقت تقریباً 7 بجے پیش آیا۔ اطلاع ملتے ہی فائربریگیڈ کی گاڑیاں آگ بجھانے کے لئے جائے حادثہ پر پہنچیں۔ فائربریگیڈ کی تقریباً ایک درجن گاڑیاں موقع پر موجود بتائی جارہی ہیں۔

گنگامائی چینی مل میں ہوا حادثہ

جانکاری کے مطابق، احمد نگر ضلع شیوگاوں واقع گنگا مائی چینی مل میں بوائیلر پھٹنے سے یہ حادثہ پیش آیا۔ مل کی ڈسٹلری یونٹ میں دھماکہ ہونے کے بعد فیکٹری میں خطرناک آگ لگ گئی۔ مقامی لوگوں نے بتایا کہ آگ کی لپٹیں کافی دور تک دیکھی گئیں۔ بتایا گیا کہ مل میں گنے کی رس، چینی کے گھول، جو اور مکا سے ایتھینال تیار کیا جاتا ہے، جو اس کے ڈسٹلری پلانٹ میں بنتا ہے۔ اسی پلانٹ میں دھماکہ ہوا۔

32 افراد بچائے گئے

نیوزایجنسی پی ٹی آئی کے مطابق، پولیس کے ایک افسر نے بتایا کہ فائربریگیڈ اور پولیس ملازمین نے اب تک کارخانے سے 32 افراد کو بچایا ہے۔