قومی

Bihar temple stampede: لکھی سرائے کے مندر میں بجلی کا کرنٹ پھیلنے کی افواہ سے بھگدڑ، 8 خواتین عقیدت مندوں کی موت

نئی دہلی : بہار کے لکھی سرائے ضلع میں واقع تاریخی اندر دمنیشور مہادیو مندر، اشوک دھام کے قریب پیر کی صبح ایک انتہائی افسوسناک حادثہ پیش آیا۔ مندر میں موجود عقیدت مندوں کے درمیان بجلی کا کرنٹ پھیلنے کی افواہ کے بعد اچانک بھگدڑ مچ گئی، جس کے نتیجے میں 8 خواتین عقیدت مندوں کی موت ہوگئی، جبکہ 9 افراد شدید زخمی بتائے جا رہے ہیں۔ لکھی سرائے کے ضلعی مجسٹریٹ شیلندر کمار نے ہلاکتوں کی تصدیق کی ہے۔ابتدائی اطلاعات میں بتایا گیا تھا کہ 11 ہزار وولٹ کا ہائی ٹینشن بجلی کا تار گرنے کے بعد کئی افراد کرنٹ کی زد میں آگئے اور اس کے نتیجے میں ہلاکتیں ہوئیں۔ تاہم، ضلعی مجسٹریٹ شیلندر کمار اور ایڈیشنل ڈسٹرکٹ مجسٹریٹ نیرج کمار نے پریس کانفرنس میں واضح کیا کہ ہلاکتوں کی اصل وجہ بجلی کا کرنٹ نہیں بلکہ بھگدڑ تھی۔

حکام کے مطابق، حادثے کے وقت اشوک دھام ہالٹ پر ایک ہی وقت میں دونوں سمتوں سے ٹرینیں پہنچ گئیں۔ ٹرینوں کو دیکھ کر وہاں موجود کچھ نوجوان اچانک بھاگنے لگے۔ ان کی افراتفری کے دوران بجلی کا ایک کھمبا گر گیا، جس کے بعد موقع پر کرنٹ پھیلنے کی افواہ تیزی سے پھیل گئی۔ افواہ سنتے ہی عقیدت مندوں میں خوف و ہراس پیدا ہوگیا اور لوگ جان بچانے کے لیے ادھر ادھر بھاگنے لگے۔اس دوران بھیڑ میں شدید دھکم پیل اور بھگدڑ مچ گئی۔ متعدد افراد ایک دوسرے کے اوپر گر پڑے، جس کے نتیجے میں کئی افراد دب گئے۔ اسی بھگدڑ میں 8 خواتین عقیدت مندوں کی جان چلی گئی، جبکہ 9 افراد شدید زخمی ہوئے ہیں۔ زخمیوں کو فوری طور پر قریبی اسپتال منتقل کیا گیا، جہاں ان کا علاج جاری ہے۔

انتظامیہ کے مطابق، جس وقت یہ حادثہ پیش آیا، اس وقت بجلی کی سپلائی بند تھی۔ بجلی کے تار کو بھی کور کیا گیا تھا، اس لیے موقع پر کرنٹ پھیلنے کی بات درست نہیں تھی۔ تاہم، بجلی کے کھمبے کے گرنے اور اس کے بعد پھیلنے والی افواہ نے حالات کو انتہائی سنگین بنا دیا اور دیکھتے ہی دیکھتے بڑی تعداد میں موجود عقیدت مندوں کے درمیان بھگدڑ مچ گئی۔حادثے کی اطلاع ملتے ہی پولیس اور ضلعی انتظامیہ کے اعلیٰ افسران فوری طور پر موقع پر پہنچے۔ مقامی لوگوں اور انتظامیہ کی مدد سے امدادی کارروائیاں شروع کی گئیں۔ زخمیوں کو ایمبولینس کے ذریعے اسپتال پہنچایا گیا اور علاقے میں نظم و ضبط بحال کرنے کی کوشش کی گئی۔

حکام نے واقعے کی مکمل جانچ کے احکامات جاری کر دیے ہیں۔ انتظامیہ اس بات کی بھی تحقیقات کر رہی ہے کہ بجلی کا کھمبا کس طرح گرا، افواہ کیسے پھیلی اور بھگدڑ کی صورت حال کیوں پیدا ہوئی۔ اس افسوسناک واقعے کے بعد مندر اور آس پاس کے علاقے میں غم کی فضا ہے، جبکہ ضلعی انتظامیہ نے لوگوں سے افواہوں پر یقین نہ کرنے اور کسی بھی ہنگامی صورتحال میں پرسکون رہنے کی اپیل کی ہے۔

بھارت ایکسپریس اردو

Abu Danish Rehman

Recent Posts

National Press Day: آزادیٔ اظہار کے ساتھ ذمہ داری بھی ضروری، صحافی تکنیکی تبدیلیوں کو اپنائیں: اشونی ویشنو

مرکزی وزیر اطلاعات و نشریات اشونی ویشنو نے جمہوریت کو مضبوط بنانے میں میڈیا کے…

3 hours ago

Adani Green Energy On Tarali Project: تارالی پمپ اسٹوریج پروجیکٹ پر اڈانی گرین انرجی نے واضح کی صورت حال، بتایا کب ملی کون سی منظوری

اڈانی گرین انرجی لمیٹڈ نے کہا ہے کہ تارالی پمپ اسٹوریج پروجیکٹ میں نہ تو…

3 hours ago

8th Pay Commission: کیا ریٹائرڈ ملازمین کو بھی ملے گا بقایا جات کا فائدہ؟ پنشنروں نے وزیر اعظم مودی کو خط لکھ کر کیا مطالبہ

آٹھویں پے کمیشن کے تحت یکم جنوری 2026 سے پہلے ریٹائر ہونے والے پنشنروں اور…

4 hours ago