Independence Day 2026: بھارت ایکسپریس میں گونجا حب الوطنی کا جذبہ، سی ایم ڈی اپیندر رائے نے لہرایا ترنگا، کہا: یہ ملک ایماندار لوگوں کا ہے

نئی دہلی: 15 اگست۔ بھارت آج ہفتہ 15 اگست 2026 کو اپنی آزادی کی 80ویں سالگرہ جوش، ولولے اور حب الوطنی کے جذبے کے ساتھ منا رہا ہے۔ ملک بھر میں ترنگا شان سے لہرا رہا ہے اور آزادی کی جدوجہد میں اپنی جانوں کا نذرانہ پیش کرنے والے عظیم مجاہدینِ آزادی کو خراجِ عقیدت پیش کیا جا رہا ہے۔ یومِ آزادی کے اسی قومی جشن کی گونج نوئیڈا واقع بھارت ایکسپریس نیوز نیٹ ورک کے احاطے میں بھی سنائی دی، جہاں خصوصی تقریب کا انعقاد کیا گیا۔اس موقع پر بھارت ایکسپریس نیوز نیٹ ورک کے چیئرمین اینڈ مینیجنگ ڈائریکٹر (سی ایم ڈی) اپیندر رائے نے قومی پرچم لہرایا اور ترنگے کو سلامی پیش کی۔ تقریب میں ادارے کے افسران، صحافیوں اور ملازمین نے شرکت کی۔ پورا ماحول حب الوطنی، قومی جذبے اور ترنگے کے احترام سے سرشار نظر آیا۔ یہ موقع نہ صرف ملک کے لیے فخر کا دن تھا بلکہ ان بے شمار بہادر سپوتوں کو یاد
کرنے کا بھی موقع تھا جن کی قربانیوں اور جدوجہد کے نتیجے میں بھارت آزاد ہوا۔

’بھارت ایکسپریس کے پورے خاندان کو یومِ آزادی کی مبارکباد‘

تقریب سے خطاب کرتے ہوئے سی ایم ڈی اپیندر رائے نے بھارت ایکسپریس کے پورے خاندان کو یومِ آزادی کی مبارکباد دی۔ انہوں نے کہا کہ کافی عرصے بعد سب سے ملاقات ہوئی اور ساتھیوں کے درمیان آکر انہیں بے حد خوشی محسوس ہو رہی ہے۔ انہوں نے کہا کہ حب الوطنی اور جوش سے بھرے اس مقدس موقع پر وہ بھارت ایکسپریس کے تمام ارکان کو دلی مبارکباد پیش کرتے ہیں۔

’ہم غلام کیوں ہوئے اور آزاد کیوں ہوئے؟‘

اپنے خطاب میں اپیندر رائے نے آزادی کے 80 برس مکمل ہونے کے موقع پر ایک بنیادی سوال اٹھایا کہ آخر ہم غلام کیوں ہوئے اور آزاد کیوں ہوئے؟ انہوں نے کہا کہ راستے میں آتے ہوئے وہ سوچ رہے تھے کہ آج ایسی کون سی بنیادی بات کی جائے جس پر سب غور کرسکیں۔انہوں نے کہا کہ انسانی شعور ہمیشہ آزاد رہا ہے اور اسے کبھی غلام نہیں بنایا جاسکتا۔ تاہم انسان کا ذہن اس شعور کو سمت دینے کا کام کرتا ہے۔ شعور کو ایک رتھ سے تشبیہ دیتے ہوئے انہوں نے کہا کہ ذہن اس کا سارتھی ہے، جو زندگی کے راستے پر انسان کی رہنمائی کرتا ہے۔ لیکن کئی مرتبہ یہی ذہن انسان کو غلط سمت میں لے جاتا ہے، جس کے نتیجے میں اسے گہرا نقصان اٹھانا پڑتا ہے۔
’سازش کی ایک گہری چادر بچھائی ہوتی ہے‘

اپیندر رائے نے کہا کہ کئی مرتبہ انسان کے سامنے پہلے ہی سازش کی ایک گہری چادر بچھائی جاچکی ہوتی ہے، جو اس کے پھنسنے کا انتظار کر رہی ہوتی ہے۔ انسان کو اس میں لپیٹ کر ایک طرف کردیا جاتا ہے۔ انہوں نے ذہن کے بھٹکنے کے امکانات اور انسان کے سامنے موجود
پیچیدہ حالات کو سمجھنے کی ضرورت پر زور دیا۔

’دنیا صرف ہوشیار لوگوں نے نہیں، ایماندار لوگوں نے بھی بنائی ہے‘

اپیندر رائے نے کہا کہ گزشتہ رات وہ ایک فلم دیکھ رہے تھے، جس میں چند تاریخی سیاسی شخصیات کا ذکر تھا۔ انہوں نے کہا کہ ضروری نہیں کہ ہم جتنا جانتے ہیں، وہی مکمل سچ ہو۔ اکثر ہمیں جو کچھ بتایا جاتا ہے، وہ پوری حقیقت نہیں ہوتی۔انہوں نے کہا کہ بعض اوقات معلومات دینے والا پہلے ہی یہ طے کرلیتا ہے کہ سامنے والے شخص کو کتنا جاننا چاہیے۔ وہ اتنی ہی معلومات فراہم کرتا ہے جتنی وہ چاہتا ہے کہ دوسرا شخص جانے اور پھر اسی کے مطابق اس کے ردعمل کا اندازہ بھی لگا لیتا ہے۔انہوں نے کہا کہ ایسے لوگوں کو وہ بہت زیادہ ہوشیار نہیں سمجھتے، لیکن جو لوگ بغیر سوچے سمجھے بہت جلد ردعمل ظاہر کردیتے ہیں، انہیں ضرور بھولا سمجھتے ہیں۔ اپیندر رائے نے کہا کہ یہ دنیا صرف ہوشیار لوگوں نے نہیں بنائی، بلکہ ایماندار لوگوں نے بھی اسے بنانے میں اہم کردار ادا کیا ہے۔ اسی لیے انہیں لوگوں کی ایمانداری پر ہمیشہ بھروسہ رہتا ہے۔اپنے خطاب کے اختتام پر انہوں نے ایک بار پھر ذہن اور شعور کے تعلق کا ذکر کرتے ہوئے کہا کہ چونکہ شعور رتھ ہے اور ذہن اس کا سارتھی، اس لیے ذہن کے بھٹکنے کا امکان ہمیشہ موجود رہتا ہے۔ انہوں نے آزادی کے حقیقی مفہوم کو سمجھنے، سوچنے اور ذمہ داری کے ساتھ اپنے کردار کو ادا کرنے کی ضرورت پر زور دیا۔

بھارت ایکسپریس اردو