Sambhal Violence Case: سنبھل تشدد معاملے میں ضیاء الرحمٰن برق کی مشکلات میں ہوسکتا ہے اضافہ، سروے والے دن بھیڑکے لئے دباؤ بنانے کا الزام

اترپردیش واقع سنبھل میں نومبر 2024 میں ہوئے تشدد معاملے میں سماجوادی پارٹی کے لیڈر اور لوک سبھا حلقہ سے رکن پارلیمنٹ ضیاء الرحمٰن برق کی مشکلات میں اضافہ ہوسکتا ہے۔ میڈیا کی خبر کے مطابق، ذرائع کے حوالے سے دعویٰ کیا جا رہا ہے کہ شاہی جامع مسجد کے صدر ظفرعلی کے معاملے میں داخل کی گئی کیس ڈائری میں سماجوادی پارٹی کے رکن پارلیمنٹ ضیاء الرحمٰن برق کا بھی نام شامل ہے۔

پولیس نے مسجد کمیٹی کے صدر ظفرعلی ایڈوکیٹ کی کیس ڈائری آج عدالت میں داخل کی ہے۔ ذرائع کا دعویٰ ہے کہ کیس ڈائری میں صدر ظفرعلی اور سماجوادی پارٹی کے رکن پارلیمنٹ ضیاء الرحمٰن برق کے سنبھل تشدد کے ماسٹر مائنڈ ہونے کے بڑے ثبوت ہیں۔

ذرائع کے مطابق، کیس ڈائری میں صدر ایڈوکیٹ ظفرعلی کا قبول نامہ ہے کہ سماجوادی پارٹی کے رکن پارلیمنٹ ضیاء الرحمٰن برق کا دباؤ تھا کہ وہ بھیڑ جمع کرکے سروے کی مخالفت کریں۔ اے ڈی جے کورٹ میں ظفرعلی کی ضمانت عرضی پر سماعت 4 اپریل کویعنی آج ہونی ہے۔

نوٹس تعمیل کرانے پہنچی تھی ایس آئی ٹی

اس سے قبل 25 مارچ کو ایس آئی ٹی رکن پارلیمنٹ ضیاء الرحمٰن برق کو پوچھ گچھ کے لئے نوٹس تعمیل کرانے پہنچی، لیکن وہ اوران کی فیملی کا کوئی نہیں ملا تھا۔ حالانکہ اس کے بعد منگل کی دیر رات اترپردیش پولیس کی ایس آئی ٹی ٹیم رکن پارلیمنٹ ضیاء الرحمٰن برق کو نوٹس سونپنے کے لئے دہلی کے ویسٹرن کورٹ واقع ایم پی ہاسٹل پہنچی۔ حالانکہ اس کے بعد رکن پارلیمنٹ ضیاء الرحمٰن برق نے اے این آئی کو بتایا کہ مجھے دفعہ 35 (3) کے تحت دیا گیا نوٹس مل گیا ہے۔ چونکہ میں اس ملک کا شہری ہوں اور رکن پارلیمنٹ بھی ہوں، اس لئے میں نے پولیس کو جانچ کے دوران مکمل تعاون کرنے کی یقین دہانی کرائی ہے۔

نوٹس تعمیل کرانے گئی تھی ایس آئی ٹی