اوڈیسہ میں بی جے پی نے ایک قبائلی کو وزیراعلیٰ بنانے کا فیصلہ کیا ہے۔ اس فیصلے پر بی جے پی خود اپنا پیٹھ تھپتھپا رہی ہے اور یہ دعویٰ کررہی ہے کہ بی جے پی نے قبائلیوں کی خودمختاری اور ان کی تعمیروترقی میں پوری ایماندارنہ کوششیں کی ہیں جبکہ کانگریس نے انہیں پوری طرح سے نظرانداز کردیا ہے۔ مرکزی وزیربرائے ریلوے اشونی ویشنو نے اپنے سوشل میڈیا اکاونٹ ایکس پر ایک پیغام میں اپنے سرکار کی طرف سے قبائلیوں کو سیاسی سطح پر آگے لانے کے فیصلوں کا حوالہ دیتے ہوئے کانگریس پر نشانہ لگایا ہے۔
اشونی ویشنو نے لکھا کہ یہ سوچنے کا مقام ہے کہ شمال مشرقی ریاستوں کو چھوڑ کر، جو زیادہ تر قبائلی اکثریتی ہیں، کانگریس نے 21ویں صدی میں کسی بھی قبائلی کو وزیر اعلیٰ نہیں بنایا۔ جبکہ بی جے پی نے 4 – بابولال مرانڈی، ارجن منڈا، وشنو دیو سائی، اور موہن ماجھی جیسے قبائلی رہنماوں کو وزیراعلیٰ کی کرسی دی ۔اور آسام میں بھی بی جے پی نے سربانند سونووال کو وزیر اعلیٰ بنایا، جب کہ کانگریس نے کوئی قبائلی کو وزیراعلیٰ نہیں بنایا۔بی جے پی نے صدر کے عہدے کے لیے دروپدی مرمو اور شری پی اے سنگما جی کی حمایت کی۔جبکہ کانگریس نے ان دونوں کی مخالفت کی۔انہوں نے مزید کہا کہ یہ اس بات کی ایک جھلک ہے کہ کون قبائلی بااختیار بنانے کی پرواہ کرتا ہے اور کون نہیں۔
اشونی ویشنو نے یہ موازنہ کیا ہے کہ قبائلیوں کی سیاسی نمائندگی اور سیاست میں اعلیٰ عہدے تک فائز کرنے میں کانگریس بہت پیچھے ہے جبکہ بی جے پی سب سے آگے ہے۔ یہ پورا معاملہ اس وقت اس لیے بھی اٹھایا جارہا ہے چونکہ اوڈیسہ میں جس ماجھی کو وزیراعلیٰ بنانے کا فیصلہ کیا ہے وہ ایک قبائلی ہیں ۔بتادیں کہ بی جے پی ہائی کمان نے ریاست کا وزیراعلیٰ منتخب کرنے کے لئے مرکزی وزیر راجناتھ سنگھ اور بھوپیندریادو کو آبزرور بنایا گیا تھا۔ بی جے پی نے اسمبلی الیکشن میں ریاست میں شاندار جیت درج کی ہے۔ تقریباً 24 سال سے قابض بیجو جنتا دل (بی جے ڈی) کو اقتدار سے بے دخل کیا ہے۔ ریاست میں بی جے پی کی زبردست جیت کے بعد قیاس آرائی کی جارہی تھی کہ بی جے پی اوڈیشہ کے وزیراعلیٰ کے لئے دھرمیندر پردھان کے نام پر غوروخوض کرسکتی ہے، لیکن سمبل پورسیٹ سے رکن پارلیمنٹ دھرمیندر پردھان مودی حکومت کی تیسری مدت کارمیں وزیر بنائے گئے ہیں۔ اس لئے وزیراعلیٰ عہدے کی دوڑ سے وہ باہر ہوگئے تھے۔ میٹنگ میں سریش پجاری کے نام پر بھی غوروخوض ہوا۔ اس کے علاوہ اوڈیشہ کے بی جے پی صدر منموہن سامل کے نام پر بھی غوروخوض ہوا۔
بھارت ایکسپریس۔
سماجوادی پارٹی کے سربراہ اکھلیش یادو بدھ کے روز اپنے پی ڈی اے رتھ کے…
انسانی ساختہ پہلی شے جس نے زمین سے ایک نوری دن کی دوری عبور کی،…
پیو ریسرچ سینٹر کی نئی تحقیق کے مطابق 2035 تک مسلمان دنیا کا سب سے…
19 نومبر کو نئی دہلی میں منعقدہ دو روزہ محکمہ جاتی کانفرنس کے اختتامی اجلاس…
وزیر اعظم نے ماحولیاتی مسائل کے حل کے لیے نئی اختراعات اور ہندوستانی صلاحیتوں کو…
چین میں ٹرمپ، شی جن پنگ اور ولادیمیر پوتن کی پہلی سہ فریقی ملاقات، یوکرین…