۔بھارت ایکسپریس
مدھیہ پردیش کے وزیر اعلیٰ شیو راج سنگھ چوہان۔
Madhya Pradesh News: مدھیہ پردیش کے وزیراعلیٰ شیو راج سنگھ چوہان نے کہا ہے کہ مدھیہ پردیش میں خواتین کو بااختیار بنانے کے لئے سماجی انقلاب برپا ہو رہا ہے۔ ‘مکھیہ منتری کنیا ویواہ یوجنا’ (وزیراعلیٰ کے ذریعہ چلائی جا رہی لڑکیوں کی شادی اسکیم)، لاڈلی لکشمی یوجنا، مقامی الیکشن میں خواتین کو 50 فیصد ریزرویشن، پولیس بھرتی میں ریزرویشن، روزی روٹی مشن اورسنبل جیسی اسکیمیں کامیابی کے ساتھ نافذ کی جارہی ہیں۔ اب لاڈلی بہنا یوجنا شروع کی گئی ہے، جن سے نہ صرف خواتین کی مکمل ترقی ہوگی، لیکن معاشرے میں ان کی عزت اور خود اعتمادی بھی بڑھے گی۔
وزیراعلیٰ شیو راج سنگھ چوہان آج بالاگھاٹ ضلع کے لانجی میں لاڈلی بہنا سمیلن سے خطاب کر رہے تھے۔ انہوں نے بہنوں کومختلف اسکیموں کے تحت وظائف تقسیم کئے۔ شروع میں وزیر اعلیٰ چوہان نے کنیا پوجن کیا اورگلہائے عقیدت پیش کرکے بہنوں کا استقبال کیا۔ بہنوں نے وزیراعلیٰ کو راکھی پیش کی۔ وزیراعلیٰ شیو راج چوہان نے قومی دیہی روزی روٹی مشن میں دیدی کیفے چلانے والی بہن انجلی چورے کو 10 لاکھ روپئے کا چیک سونپا۔
بہن-بیٹیوں کی شادی کی فکرنہ کریں، شیوراج ماما کرائیں گے شادی
شیوراج سنگھ چوہان نے کہا کہ میری زندگی کا مقصد بہنوں کی فلاح و بہبود ہے۔ بہنوں کے ہونٹوں پر مسکراہٹ ہو تو بھائی کی زندگی کامیاب ہوتی ہے۔ مدھیہ پردیش میں خواتین کی عزت سب سے زیادہ ہے۔ بہنیں کسی قسم کی ناانصافی برداشت نہیں کرتیں، آپ کا بھائی ہمیشہ آپ کے ساتھ ہے۔ بہن-بیٹیوں کی شادی کی فکر نہ کرو، شیوراج ماما ان کی شادی کرائے گا۔
وزیر اعلیٰ چوہان نے کہا کہ وزیراعلیٰ بننے سے پہلے میں اور میری بیوی مل کرغریب بیٹیوں کی شادی ایک ساتھ کرواتے تھے۔ جب میں وزیراعلیٰ بنا تو میں نے سب سے پہلے’مکھیہ منتری کنیا ویواہ یوجنا’ (وزیراعلیٰ کے ذریعہ چلائی جا رہی لڑکیوں کی شادی اسکیم) شروع کیا۔ پچھلی حکومت نے اس سکیم کا فائدہ کسی کو نہیں دیا۔ اب ہم نے فیصلہ کیا ہے کہ اس اسکیم کے تحت بیٹیوں کو 50,000 روپئے کا چیک بیٹیوں کواور 6,000 روپئے کا چیک آرگنائزنگ باڈی کو دیئے جائیں گے۔
وزیراعلیٰ شیو راج سنگھ چوہان نے کہا کہ مدھیہ پردیش میں بیٹیوں کو لعنت کے بجائے وردان بنا دیا گیا ہے۔ لاڈلی لکشمی یوجنا میں بچی کے پیدا ہوتے ہی اس کے نام 30 ہزار روپئے جمع کرائے جاتے ہیں، تاکہ اسے پڑھائی وغیرہ کے لئے وقتاً فوقتاً فنڈ مل سکے۔ آج مدھیہ پردیش میں 44 لاکھ 50 ہزارلاڈلی لکشمی بیٹیاں ہیں۔ بیٹیوں کی تعلیم اوراعلیٰ تعلیم کی فیس بھی ماما ادا کرتا ہے۔
پنچایتوں میں بہنیں کر رہی ہیں نمائندگی
وزیراعلیٰ چوہان نے کہا کہ آج بڑی تعداد میں بہنیں پنچایتوں میں نمائندگی کر رہی ہیں۔ ان کوسیاسی مضبوطی ملی ہے۔ مدھیہ پردیش میں پنچایتوں میں 50 فیصد سیٹیں بہنوں کے لئے مختص کی گئی ہیں۔ پولیس بھرتی میں بھی بہنوں کو ریزرویشن دیا جا رہا ہے۔ دیہی اورشہری معاشی مشن کے ذریعہ خواتین کے سیلف ہیلپ گروپس بنائے جاتے ہیں اورانہیں مختلف سرگرمیوں کے لئے مالی اوردیگرمدد فراہم کی جاتی ہے۔ اس کی وجہ سے وہ معاشی اورسماجی طور پر بااختیارہو رہی ہیں۔ اس کے علاوہ ان کی خود اعتمادی میں بھی اضافہ ہو رہا ہے۔
۔بھارت ایکسپریس
چھٹی گارنٹی کے تحت تمام بلاکس میں ڈگری کالجز اور تمام ڈسٹرکٹ ہیڈ کوارٹرز میں…
نیشنل انویسٹی گیشن ایجنسی (این آئی اے) کی عدالت نے منگل کو بی جے پی…
یہ حادثہ احمد آباد-ممبئی بلٹ ٹرین پروجیکٹ کے دوران پیش آیا۔ زیر تعمیر پل گر…
ہندوستان اور نائیجیریا نے انسداد دہشت گردی کے تعاون کو بڑھانے کے لیے کلیدی شعبوں…
پولیس نے کہا کہ ہماری سائبر ٹیم نے کچھ سوشل میڈیا ہینڈلز کی نشاندہی کی…
امریکہ میں کروڑوں ووٹرز پری پول ووٹنگ کے تحت پہلے ہی ووٹ ڈال چکے ہیں۔…