سکم کے وزیر اعلیٰ پریم سنگھ تمانگ نے پیر کو “سمن بھون” میں ایک اعلیٰ سطحی میٹنگ کی صدارت کی۔ اس میٹنگ کا مقصد وزیر اعظم نریندر مودی کے مجوزہ سکم دورے کی تیاریوں کا جامع جائزہ لینا تھا۔
سکم کی 50ویں یوم
حکام کے مطابق وزیر اعظم مودی کا یہ دورہ اسی ماہ کے آخر میں سکم کی 50ویں یوم تاسیس کی تقریبات کے اختتامی پروگرام کے دوران متوقع ہے۔ یہ موقع سکم کے بھارتی یونین میں شامل ہونے کے 50 سال مکمل ہونے کی علامت ہے۔
سیکورٹی اور انتظامات پر خصوصی توجہ
میٹنگ میں سیکورٹی، لاجسٹکس، بنیادی ڈھانچے اور پروگرام کے تال میل سمیت تمام اہم امور پر تفصیلی گفتگو کی گئی۔ وزیرِ اعلیٰ نے ہدایت دی کہ:
تمام محکمے باہمی تال میل کے ساتھ مقررہ وقت میں اپنی ذمہ داریاں پوری کریں ۔
مرکزی ایجنسیوں کے ساتھ تعاون برقرار رکھتے ہوئے سیکیورٹی پروٹوکول پر سختی سے عمل کیا جائے۔
پروگرام مقامات پر بھیڑ کے انتظام اور ہنگامی طبی سہولیات کو مضبوط بنایا جائے
ترقیاتی منصوبوں کا افتتاح کریں گے پی ایم مودی
وزیراعلیٰ تمانگ نے ان اہم منصوبوں کا بھی جائزہ لیا ، جن کا افتتاح یا سنگ بنیاد وزیر اعظم مودی اپنے دورے کے دوران رکھ سکتے ہیں۔ متعلقہ محکموں نے اپنی پیش رفت رپورٹ پیش کی، جس پر وزیر اعلیٰ تمانگ نے ہدایت دی کہ تمام منصوبے مقررہ وقت میں مکمل تیار ہوں۔
بنیادی ڈھانچے کی تیاری
میٹنگ میں سڑک رابطوں اور عوامی سہولیات پر بھی غور کیا گیا۔ وزیر اعلیٰ تمانگ نے اس تقریب کو ریاست کی تاریخ کا تاریخی لمحہ قرار دیتے ہوئے کہا کہ انتظامات ایسے ہوں کہ عوام کو کسی قسم کی دشواری نہ ہو۔
اہم شخصیات کی شرکت
اس اہم میٹنگ میں کابینہ وزراء، اراکین اسمبلی، چیف سیکریٹری، سینئر افسران اور مختلف محکموں کے سربراہان شریک ہوئے۔ تیاریوں کی نگرانی کے لیے آئندہ دنوں میں مزید جائزہ میٹنگز بھی منعقد کی جائیں گی۔
بھارت ایکسپریس اردو
فرانس میں مہنگائی اور بے روزگاری کے خلاف ملک گیر احتجاج نے پرتشدد رخ اختیار…
محکمہ موسمیات نے 18 اکتوبر کو ملک کی کئی ریاستوں میں شدید بارش، آندھی اور…
نوراتری کے دوران مغربی بنگال، مدھیہ پردیش، راجستھان اور اتر پردیش میں پیش آنے والے…
مصنوعی ذہانت پر مبنی یہ 5 ٹولز روزمرہ کے کام آسان بنانے میں مددگار ثابت…
وزیر اعلیٰ سوویندو ادھیکاری نے اعلان کیا کہ ریاستی حکومت ہر مہلوک کے خاندان کو…
فرانس اور اسپین میں ہونے والی تحریکوں سے متاثر ہوکر ان دنوں اٹلی میں مختلف…