Sharad Pawar on Ajit Pawar Plane Crash: اجیت پوارکا طیارہ حادثہ یا سازش کا شکار؟ بھتیجے کی موت کے بعد شرد پوارکا پہلا ردعمل

اپنے بھتیجے اجیت پوارکی موت پرشرد پوارکا پہلا ردعمل سامنے آیا ہے۔ انہوں نے بڑا بیان دیتے ہوئے کہا کہ یہ پوری طرح سے حادثہ ہے۔ اس میں کوئی سازش نہیں ہے۔ شرد پوارنے اپیل کی کہ اس حادثے پرسیاست نہ ہو۔ انہوں نے کہا کہ اجیت پوارکی موت سے مہاراشٹرکوبہت بڑا نقصان ہوا ہے، جس کی کوئی بھرپائی نہیں ہے۔

اس میں سیاست نہ لائیں، یہی میری گزارش: شرد پوار

شرد پوارنے کہا کہ جوحادثہ ہوا ہے، وہ بہت ہی مایوس کن ہے۔ ایک محنتی شخص کے جانے سے مہاراشٹرکونقصان ہوا ہے۔ جو نقصان ہوا ہے، وہ بھرکرآنے والا نہیں ہے۔ انہوں نے کہا، “آج سبھی چیزیں اپنے ہاتھ میں نہیں ہیں۔ میں آج ونائک راؤ سے ملا۔ کچھ شرپسند قوتیں جان بوجھ کرمعاشرے میں اس قسم کا پروپیگنڈہ کر رہی ہیں کہ اس حادثے کے پیچھے کوئی سیاسی سازش ہے۔ اس میں کوئی سیاست نہیں ہے۔ یہ محض ایک حادثہ ہے۔ مہاراشٹراورہم سب کواس سے بہت تکلیف ہوئی ہے۔ برائے مہربانی اس میں سیاست نہ لائیں، یہ میری درخواست ہے۔”

جمعرات کوادا کی جائیں گی آخری رسومات

ودیا پرتشٹھان کے ٹرسٹی کرن کے مطابق اجیت پوارکا جسد خاکی آج ودیا پرتشٹھان گراؤنڈ میں عوام کے آخری دیدارکے لئے رکھا جائے گا، جبکہ آخری رسومات کل صبح 11 بجے انجام دی جائیں گی۔ کرن نے اے این آئی کوبتایا: ’’اجیت پوارکی آخری رسومات کل صبح 11 بجے ادا کی جائیں گی، آج عوام انہیں آخری بارخراج عقیدت پیش کرسکیں گے۔‘‘ واضح رہے کہ ممبئی سے بارامتی جانے کے دوران اجیت پوارکا چارٹرڈ پلین تباہ ہوگیا۔ اس میں کل پانچ لوگ شامل تھے۔ پانچوں کی موت ہوگئی۔ حادثے میں پانچوں مہلوکین کی لاش پوری طرح مسخ ہوگئی اورنائب وزیراعلیٰ اجیت پوارکی لاش کی شناخت ان کی گھڑی سے ہوئی۔

ریاست میں سوگ، تین دن کا سرکاری ماتم

مہاراشٹرکے وزیراعلیٰ دیویندرفڑنویس نے اجیت پوارکے انتقال پرریاست میں ایک دن کی سرکاری تعطیل اورتین دن کے سوگ کا اعلان کیا۔ اس دوران ریاست بھرمیں سرکاری عمارتوں پر قومی پرچم سرنگوں رہے گا، کوئی سرکاری تفریحی پروگرام منعقد نہیں ہوگا اوربدھ کے روز28 جنوری 2026 کوتمام ریاستی سرکاری دفاتربند رہے۔ صحافیوں سے بات کرتے ہوئے وزیر اعلیٰ دیویندرفڑنویس نے کہا کہ اجیت پوار کے انتقال سے پورے مہاراشٹرمیں غم کی لہردوڑگئی ہے۔ انہوں نے کہا: ’’اجیت دادا ایک محنتی اورمضبوط قیادت تھے، جوکسی بھی حالات میں متزلزل نہیں ہوئے۔ یہ مہاراشٹرکے لئے ایک مشکل دن ہے۔ ایسی قیادت برسوں میں تیارہوتی ہے۔ ان کا انتقال ریاست کے لیے بڑا نقصان ہے اورمیرے لیے ذاتی صدمہ بھی ہے، میں نے ایک دوست کھودیا۔‘‘

بھارت ایکسپریس اردو۔