Sharad Pawar is the kingpin of corruption: کشمیریوں کو آزاد کرانے کے بعد ملک کررہا ہے یونیفارم سول کوڈ کا انتظار،کرپشن کے سرغنہ ہیں شردپوار:امت شاہ

مرکزی وزیر داخلہ امت شاہ نے پونے میں منعقدہ بی جے پی کے مہاراشٹر کنونشن میں اپوزیشن پر سخت حملہ کیا۔ امت شاہ نے کہا کہ شرد پوار ملک میں بدعنوانی کے سرغنہ ہیں۔ انہوں نے ہمارے ملک میں کرپشن کو ادارہ جاتی شکل دے دی ہے۔ میں شرد پوار کو یہ بتانے آیا ہوں کہ جب بھی مہاراشٹر میں بی جے پی اقتدار میں آتی ہے تو مراٹھا برادری کو ریزرویشن ملتا ہے اور جب شرد پوار کی ایم وی اے حکومت آتی ہے تو مراٹھا ریزرویشن ختم ہوجاتا ہے۔ ساتھ ہی کانگریس کو نشانہ بناتے ہوئے امت شاہ نے کہا کہ کانگریس کبھی بھی غریبوں کی فلاح و بہبود نہیں کر سکتی۔ صرف بی جے پی ہی عوامی مفاد اور غریبوں کی فلاح و بہبود  کر سکتی ہے۔

امت شاہ نے مزید کہا کہ کانگریس دلتوں، قبائلیوں اور غریبوں کی بہتری کے لیے کام کرنے جیسی افواہیں پھیلانے میں مصروف ہے، لیکن ہم پوچھتے ہیں کہ جب وہ اتنے سال اقتدار میں تھے تو انہیں دلتوں، قبائلیوں اور غریبوں کے لیے کام کرنے سے کس نے روکا؟ انہوں نے کہا کہ راجیو گاندھی کا نعرہ تھا ہم دو، ہمارے دو لیکن وہ پچھلے 15 سالوں سے اپوزیشن میں بیٹھے ہیں، امت شاہ نے کہا کہ وزیر اعظم نریندر مودی نے تیسری بار جیت کر مرکز میں ہیٹ ٹرک مکمل کی ہے۔ جبکہ مہاراشٹر میں بھی بی جے پی اسمبلی انتخابات میں بڑے فرق سے کامیابی حاصل کرے گی۔ 2014، 2019 کے بعد، یہ 2024 میں ریاست میں اپنی ہیٹ ٹرک مکمل کرے گی۔ انہوں نے کہا کہ بی جے پی کی قیادت میں عظیم اتحاد کی حکومت دوبارہ اقتدار میں آئے گی۔ میری باتوں پر دھیان دیں اور جو میں کہہ رہا ہوں اس پر دھیان دیں۔ ہم نے دوسروں کی طرح اقتدار کے لیے اپنے نظریے پر سمجھوتہ نہیں کیا۔ادھو ٹھاکرے کو اس بات پر شرم آنی چاہیے۔

امت شاہ نے اپنی حکومت کے کاموں کا ذکر کرتے ہوئے کہا کہ میں پونے آیا ہوں، جب اورنگزیب نے کاشی وشوناتھ مندر کو تباہ کیا تو جیجا ماتا نے مایوس ہوگئیں تھیں، انہوں نے شیواجی سے بدلہ لینے کو کہا۔ یہ ہمارے پی ایم مودی ہیں جنہوں نے ہمیں کاشی وشوناتھ کوریڈور دیا۔ وزیر داخلہ نے کہا کہ اب ملک یو سی سی کا انتظار کر رہا ہے۔ ووٹ بینک کی سیاست نے ہمارے ملک کو ٹکڑے ٹکڑے کر دیا۔ انہوں نےیہ بھی کہا کہ پچھلے 10 سالوں میں پی ایم مودی نے آرٹیکل 370 کو ختم کرکے کشمیریوں کو آزاد کرایا ہے۔

بھارت ایکسپریس۔