Sajjad Lone on Article 370: سجاد غنی لون نے انڈیا اتحاد کو دیا بڑا آفر، کہا اگر آرٹیکل370 کی بحالی کا وعدہ کیا گیا تو وہ الیکشن نہیں لڑیں گے

جموں و کشمیر پیپلز کانفرنس کے رہنما سجاد لون نے ہفتہ (27 اپریل) کو ایک بڑا بیان دیاہے۔ انہوں نے کہا کہ اگر اپوزیشن آرٹیکل 370 کو بحال کرنے کا پابند ہے تو وہ لوک سبھا الیکشن نہیں لڑیں گے۔ اس کے ساتھ ہی انہوں نے نیشنل کانفرنس پر لوگوں کو بے وقوف بنانے کا الزام لگایاہے۔سجاد لون نے کہا کہ نیشنل کانفرنس جموں و کشمیر کی خصوصی حیثیت بحال کرنے کی بات کر کے لوگوں کو بے وقوف بنا رہی ہے۔ نیشنل کانفرنس یقینی طور پر انڈیا اتحاد کا حصہ ہے، اگر وہ اپوزیشن اتحاد کو آرٹیکل 370 کی بحالی پر راضی کر لیتی ہے تو وہ جموں و کشمیر میں الیکشن نہیں لڑیں گے۔

خبر رساں ایجنسی پی ٹی آئی سے بات کرتے ہوئے سجاد لون نے کہا کہ میرے الفاظ یاد رکھیں، اگر وہ آج کوئی بیان جاری کرتے ہیں تو میں اپنی نامزدگی واپس لے لوں گا، لیکن اگر وہ ایسا نہیں کرتے تو نیشنل کانفرنس سے کہا جائے گا کہ وہ عوام سے جھوٹ بولنا چھوڑ دیں۔انہوں نے مزید کہا کہ میں خلوص نیت سے مانتا ہوں کہ جموں و کشمیر کے لوگ اس بات کے مستحق ہیں کہ 2019 کے بعد ان کی آواز سنی جائے۔ اگر میں منتخب ہوا تو میں ان کی آواز بنوں گا۔ آپ کو بتا دیں کہ سجاد لون بارہمولہ لوک سبھا سیٹ سے جموں و کشمیر کے سابق وزیر اعلیٰ عمر عبداللہ کے خلاف الیکشن لڑ رہے ہیں۔

قابل ذکر ہے کہ گزشتہ سال دسمبر میں سپریم کورٹ نے جموں و کشمیر کو خصوصی درجہ دینے والے آرٹیکل 370 کو منسوخ کرنے کے مرکز کے فیصلے کو برقرار رکھا تھا، جس کا اطلاق 5 اگست 2019 سے ہوا۔ سپریم کورٹ نے کہا کہ آرٹیکل 370 ایک عارضی شق ہے۔حالانکہ سپریم کورٹ میں اس معاملے پر قریب چار سال تک عرضیاں موجود رہیں  اور متعدد بار سماعت کے بعد جسٹس ڈی وائی چندرچوڑ کی بنچ نے حتمی فیصلہ سنایا جس میں حکومت کے اس قدم کو درست ٹھہرایا۔

بھارت ایکسپریس۔