کیرانہ کی رکن پارلیمنٹ اقرا حسن کے خلاف سہارنپور پولیس نے معاملہ درج کرلیا ہے۔
کیرانہ کی رکن پارلیمنٹ اقرا حسن نے دعویٰ کیا ہے کہ سہارنپور پولیس نے انہیں گرفتار کرکے تھانے میں بٹھایا۔ بتایا جا رہا ہے کہ سماجوادی پارٹی کی رکن پارلیمنٹ اقرا حسن کی ڈی آئی جی سے بحث بھی ہوئی ہے۔ اطلاعات کے مطابق، اقرا حسن ایک قتل کے معاملے میں مہلوک کی ماں کے ساتھ ڈی آئی جی سے ملنے پہنچی تھیں۔ مہلوک کے قتل کے الزام میں پہلے دولوگوں کی گرفتاری ہوئی ہے، لیکن متاثرہ فیملی تین دیگرملزمین کی گرفتاری کا مطالبہ کررہی ہے۔ مہلوک کے اہل خانہ کا الزام ہے کہ پولیس ملزمین کو بچانے کی کوشش کررہی ہے۔
پولیس پرصحیح برتاو نہ کرنے کا الزام
بتایا جا رہا ہے کہ رکن پارلیمنٹ اقرا حسن متاثرہ فیملی کے ساتھ ڈی آئی جی سے ملنے پہنچی تھیں۔ ڈی آئی جی نے ان سے کہا کہ اس معاملے میں جانچ چل رہی ہے۔ آپ یہاں سے جائیے، کارروائی کی جا رہی ہے۔ اس کے بعد اقرا حسن ڈی آئی جی دفترکے باہرکھڑی تھیں تو پولیس نے کہا کہ یہاں پرجام لگ سکتا ہے، اس لئے یہاں سے جائیے۔ باتوں باتوں میں پولیس اور سماجوادی پارٹی کی ایم پی کے درمیان بحث ہوگئی۔ بعد میں خاتون پولیس اہلکاراقرا حسن کو لے کرتھانے گئی اورکچھ وقت تک تھانے میں بٹھائے رکھا۔
دیکھئے ویڈیو
پولیس کے ساتھ اقرا حسن کی ہوئی بحث
پولیس اورسماجوادی پارٹی کی ایم پی کے درمیان بحث کا ویڈیو بھی سامنے آیا ہے۔ اس میں دیکھا جا رہا ہے کہ اقرا حسن کہہ رہی ہیں کہ ڈی آئی جی کا برتاو ٹھیک نہیں ہے۔ وہ کہہ رہے ہیں کہ آپ جائیے یہاں سے۔ انہوں نے کہا کہ ہم لوگوں سے یہاں پرکھڑے ہوکربات چیت بھی نہ کریں۔ آپ لوگ مجھ پردباو بنا رہے ہیں۔ وہیں ویڈیو میں ایک شخص یہ کہتے ہوئے سنائی دے رہا ہے کہ پولیس کا رویہ رکن پارلیمنٹ کے تئیں اتنا خراب ہے تو عام لوگوں کے بارے میں کیا ہوگا۔ پولیس ہماری نہیں سن رہی ہے۔ اقرا حسن نے کہا کہ خواتین انصاف کی امید لے کریہاں آئی تھیں، لیکن پولیس نے تسلی بخش جواب نہیں دیا۔
بھارت ایکسپریس اردو-
بھارتیہ جنتا پارٹی (بی جے پی) کے قومی صدر نتن نوین آج گورکھپور پہنچے، جہاں…
ممبئی ایئرپورٹ کے ٹرمینل-1 کی ازسرنو تعمیر کے پیش نظر 14 بین الاقوامی مقامات کے…
مرکزی حکومت نے ’اہم معدنیات کی پروسیسنگ کو فروغ دینے کے لیے سرمایہ جاتی اخراجات…
ڈاکٹر سید فاروق، صدر ہمالیہ ڈرگس نے مسابقۂ قرآن کریم کے کامیاب انعقاد پر مسرت…
وزیر اعظم نریندر مودی نے این سی پی (ایس پی) کے سربراہ شرد پوار کو…
نئی دہلی میں نیتی آیوگ کی اعلیٰ سطحی میٹنگ میں انڈمان و نکوبار کے لیفٹیننٹ…