Bihar Election 2025: آر جے ڈی نے 143 امیدواروں کی فہرست جاری کی، تیج پرتاپ یادو کے خلاف بھی کھڑا کیا امیدوار

  راشٹریہ جنتا دل (آر جے ڈی) نے 2025 کے بہار اسمبلی انتخابات کے لیے اپنے امیدواروں کی فہرست جاری کر دی ہے۔ پارٹی نے کل 143 سیٹوں کے لیے امیدواروں کا اعلان کیا ہے۔ تیجسوی یادو کی قیادت میں جاری کی گئی اس فہرست میں نوجوانوں، خواتین اور اقلیتوں کو ترجیح دی گئی ہے۔ آر جے ڈی نے مہوا سے مکیش روشن کو نامزد کیا ہے، جو تیج پرتاپ یادو کے خلاف مقابلہ کریں گے۔

اس بار آر جے ڈی نے 18 اقلیتی امیدواروں اور 24 خواتین امیدواروں کو ٹکٹ دیا ہے۔ پارٹی نے اسے سماجی ہم آہنگی اور نمائندگی کی علامت قرار دیا ہے۔ اپوزیشن لیڈر تیجسوی یادو ایک بار پھر راگھوپور سیٹ سے الیکشن لڑیں گے، جو ان کا روایتی گڑھ سمجھی جاتی ہے۔

اس فہرست میں کئی اہم اور معروف نام شامل ہیں

جھجھا سے سابق مرکزی وزیر جے پرکاش یادو کو نامزد کیا گیا ہے۔ 6 بار کے ایم ایل اے للت یادو کو دربھنگہ دیہی سے نامزد کیا گیا ہے۔ بھولا یادو، جو لالو پرساد یادو کے قریبی ساتھی سمجھے جاتے ہیں، بہادر پور سیٹ سے الیکشن لڑیں گے۔

سابق اسمبلی اسپیکر اودھ بہاری چودھری سیوان سے آر جے ڈی کے امیدوار ہوں گے۔ آنجہانی طاقتور شہاب الدین کے بیٹے اسامہ شہاب کو رگھوناتھ پور سیٹ سے امیدوار بنایا گیا ہے، سیٹ پر  ہنگامہ برپا کردیا ہے۔  قابل ذکر بات یہ ہے کہ  بھوجپوری سپر اسٹار کھیساری لال یادو کو چھپرا سے نامزد کیا گیا ہے، جس سے وہاں مقابلہ انتہائی دلچسپ ہونے کی امید ہے۔

مکیش روشن مہوا سیٹ سے الیکشن لڑیں گے

پارٹی کے چیف ترجمان شکتی یادو کو ہلسا سیٹ سے امیدوار بنایا گیا ہے۔ آلوک مہتا کو اجیار پور سے نامزد کیا گیا ہے۔ مکیش روشن کو مہوا سیٹ سے امیدوار قرار دیا گیا ہے، جہاں ان کا مقابلہ تیج پرتاپ یادو سے ہوگا۔

آر جے ڈی نے طاقتور لیڈروں کے خاندانوں کو جگہ دی ہے

آر جے ڈی نے طاقتور لیڈروں کے خاندانوں کو بھی جگہ دی ہے۔ کوشل یادو کو نوادہ سے، سورج بھان سنگھ کی بیوی وینا دیوی کو موکاما سے اور ریت لال یادو کوداناپورسے ٹکٹ دیا گیا ہے۔ سوشل میڈیا پلیٹ فارم ‘ایکس’ پر امیدواروں کی فہرست کا اشتراک کرتے ہوئے، RJD نے تمام امیدواروں کو مبارکباد دی اور ان کی پیشگی جیت کی مباکباد دی ۔ انہوں نے کہا کہ یہ الیکشن بہار کی نئی سمت اور امیدوں کا انتخاب ہوگا۔

بھارت ایکسپریس اردو