بہار پولیس نے گینگسٹر لارنس بشنوئی کے مفرور کارندوں پر انعام کا اعلان کیا ہے۔ بہار پولس اسے زندہ یا مردہ پکڑنے والے کو انعام کی رقم دے گی۔ ان میں راجستھان کے راہل راوت اور بھوپیندر سنگھ راوت پر 50،000 روپے کا انعام رکھا گیا ہے۔ ساتھ ہی اس گینگ کی نگرانی کرنے والے ایس کے مینا عرف میانک سنگھ عرف سنیل مینا پر ایک لاکھ روپے کے انعام کا اعلان کیا گیا ہے۔
میانک عرف سنیل مینا بیرون ملک روپوش ہے۔ تینوں کے نام غیر ملکی اسلحے کی اسمگلنگ میں سامنے آئے تھے۔ گوپال گنج کے ایس پی سوارن پربھات نے یہ جانکاری دی۔ ایس پی نے کہا ہے کہ تینوں مفرور کارندوں پر انعام کا اعلان کیا گیا ہے۔ بہار ایس ٹی ایف اور پولیس ٹیم ان کی گرفتاری کے لیے چھاپے مار رہی ہے۔ لوگوں سے بھی اپیل کی گئی ہے کہ وہ ان مفرور کارندوں کے متعلق اطلاعات دیں ۔
جولائی میں تین کارندے پکڑے گئے تھے۔
آپ کو بتا دیں کہ 22 جولائی کو کچے کوٹ تھانے کی پولیس نے گوپال گنج میں یوپی-بہار کے بلتھری چیک پوسٹ پر ناگالینڈ نمبر کی بس سے دو مجرموں کو گرفتار کیا تھا، جن کے پاس سے چار آسٹرین ساختہ گلوک پستول اور آٹھ میگزین برآمد ہوئے تھے۔ گرفتار اسلحہ سمگلروں میں مظفر پور کے گائ گھاٹ تھانہ علاقہ کے بواری گاؤں کے رہنے والے شانتنو شیوم اور راجستھان کے اجمیر ضلع کے کمل راؤ شامل ہیں۔
ان اسمگلروں سے پوچھ گچھ کے بعد پولیس نے ایس ٹی ایف کی مدد سے 24 جولائی کو راجستھان کے اجمیر ضلع کے منگلیا واس تھانہ علاقہ کے کیسر پور کے رہنے والے دنیش سنگھ راوت ولد نارائن سنگھ کو گرفتار کیا۔ اس وقت لارنس بشنوئی کے تینوں کارندوں جیل میں ہیں۔
بھارت ایکسپریس۔
جونیئر ڈاکٹرز نے جمعہ 20 ستمبر سے سوستھیا بھون اور کولکتہ میں جاری احتجاج ختم…
شیخ حسینہ کے بارے میں فی الحال بتایا جا رہا ہے کہ وہ ہندوستان کے…
جمعیۃ علماء ہند کے صدر مولانا محمود اسعد مدنی نے مرکزی وزیر مملکت سنجے بندی…
امیتابھ بچن اور جیا بچن کی شادی 1973 میں ہوئی تھی، لیکن کیا آپ جانتے…
چنئی ٹسٹ کے پہلے دن آراشون نے سنچری لگائی۔ اشون نے نمبر-8 پراترکر سنچری لگائی۔…
آئی ڈی ایف نے ٹویٹر پر ایک پوسٹ میں کہا کہ "ہم اس وقت لبنان…