نئی دہلی: ریزرو بینک آف انڈیا (آر بی آئی) نے روی شنکر کو نیا ایگزیکٹو ڈائریکٹر مقرر کر دیا ہے۔ ان کی تقرری یکم جولائی 2026 سے نافذ العمل ہو گئی ہے۔ آر بی آئی نے ایک سرکاری بیان جاری کرتے ہوئے اس تقرری کا اعلان کیا۔ اس عہدے پر ترقی سے قبل روی شنکر آر بی آئی کے محکمۂ شماریات و اطلاعاتی انتظام (DSIM) میں ایڈوائزر اِن چارج کے طور پر خدمات انجام دے رہے تھے۔
تین دہائیوں سے زائد کا تجربہ
آر بی آئی کے مطابق روی شنکر ایک تجربہ کار مرکزی بینکنگ ماہرِ شماریات ہیں اور انہیں ریزرو بینک میں تین دہائیوں سے زیادہ عرصے کا تجربہ حاصل ہے۔ اپنے طویل کیریئر کے دوران انہوں نے کارپوریٹ اور بینکنگ شماریات، سرکاری سکیورٹیز مارکیٹ، سیٹلمنٹ سسٹم، قرض کے انتظام اور مختلف اقتصادی سروے جیسے اہم شعبوں میں نمایاں خدمات انجام دی ہیں۔ روی شنکر میکرو اکنامک شماریات اور پالیسی سازی سے متعلق متعدد اہم کمیٹیوں اور ورکنگ گروپس کے رکن بھی رہ چکے ہیں، جہاں انہوں نے اقتصادی پالیسیوں کی تیاری میں اہم کردار ادا کیا۔
روی شنکر کا تعلیمی پس منظر
مرکزی بینک کے مطابق ایگزیکٹو ڈائریکٹر کی حیثیت سے روی شنکر محکمۂ شماریات و اطلاعاتی انتظام (DSIM) کی ذمہ داری سنبھالیں گے۔ قابلِ ذکر بات یہ ہے کہ جس محکمے کی وہ پہلے ایڈوائزر اِن چارج کی حیثیت سے قیادت کر رہے تھے، اب اسی کی نگرانی ایگزیکٹو ڈائریکٹر کے طور پر کریں گے۔ آر بی آئی نے امید ظاہر کی ہے کہ ان کا وسیع تجربہ اور تکنیکی مہارت محکمے کی کارکردگی کو مزید مضبوط بنانے میں معاون ثابت ہوگی۔ روی شنکر نے بنارس ہندو یونیورسٹی (بی ایچ یو) سے شماریات میں ماسٹر ڈگری حاصل کی ہے۔ اس کے علاوہ انہوں نے انسٹی ٹیوٹ آف اکنامک گروتھ (آئی ای جی)، دہلی سے ڈیولپمنٹ پالیسی اینڈ پلاننگ میں ڈپلومہ کیا ہے۔ وہ انڈین انسٹی ٹیوٹ آف بینکنگ اینڈ فنانس (IIBF) کے سرٹیفائیڈ ایسوسی ایٹ (CAIIB) بھی ہیں۔
بھارت ایکسپریس اردو۔
این ویڈیا کے سابق سربراہ نے بورڈ کی آزادانہ تحقیقات میں تعاون کا یقین دلایا،…
وزیراعظم مودی نے اہم معدنیات اور کان کنی کے شعبے میں مضبوط سپلائی چین قائم…
کواڈ کا قیام 2007 میں عمل میں آیا تھا، جبکہ 2017 میں اس کے درمیان…
منیلا میں کواڈ اجلاس سے خطاب کرتے ہوئے وزیر اعظم نے اس شہر کے ساتھ…
سرمایہ کاروں کو ہر ہفتے 6 سے 11 فیصد منافع دینے کا لالچ دے کر…
چیف جسٹس سوریہ کانت کی سربراہی والی بنچ نے راہل گاندھی اور دیگر درخواست گزاروں…