Uttar Pradesh: شاہجہاں پور میں رائفل پوائنٹ پر دلت خاتون کی عصمت دری، شور مچانے پر کپڑے اور موبائل چھوڑ کر بھاگ گیا ملزم

وارانسی میں 22 لوگوں نے کی 19 سالہ لڑکی کی عصمت دری

Uttar Pradesh: اترپردیش کے شاہجہاں پور ضلع میں ایک خطرناک واقعہ دیکھنے میں آیا ہے۔ درحقیقت ضلع کے کانٹ تھانہ علاقے میں ایک شخص نے ایک دلت خاتون کی طرف رائفل دکھا کر اس کی مبینہ عصمت دری کی۔ اس واقعہ کی جانکاری دیتے ہوئے پولیس نے بتایا کہ جب خاتون نے چیخ ماری تو ملزم اپنی رائفل اور کپڑے چھوڑ کر بھاگ گیا۔ ایڈیشنل سپرنٹنڈنٹ آف پولیس (سٹی) سنجے کمار نے ہفتہ کو پی ٹی آئی کو بتایا کہ تھانہ کانٹ علاقہ کے ایک گاؤں میں رہنے والی ایک 32 سالہ خاتون اپنے شوہر اور بچوں کے ساتھ گھر کے برآمدے میں سو رہی تھی جب ملزم نیرج ٹھاکر دیوار سے چھلانگ لگاکر گھر میں داخل ہوا۔

اے ایس پی نے سنائی پوری کہانی

اس واقعے کے بارے میں اے ایس پی نے بتایا کہ ملزم خاتون کو اٹھانے کے بعد پہلے اسے رائفل کے ساتھ کچن میں لے گیا اور پھر اس کے ساتھ زیادتی کی۔ اس دوران خاتون چیخ رہی تھی۔ خاتون کی چیخ و پکار سن کر گھر والے بیدار ہوئے تو ملزم اپنی رائفل، پینٹ، جیکٹ اور موبائل وہیں چھوڑ کر فرار ہوگیا۔ پولیس نے جمعہ کو ملزم نیرج ٹھاکر کے خلاف انڈین جسٹس کوڈ اور شیڈول کاسٹ ٹرائب ایکٹ کی دفعات کے تحت مقدمہ درج کیا ہے جس میں عصمت دری، گھر میں داخل ہونا شامل ہے۔ افسر نے بتایا کہ ملزم واردات کے بعد فرار ہے۔ اس کی تلاش جاری ہے۔

یہ بھی پڑھیں- ’’کانگریس میں آرایس ایس کی سوچ والوں کو تلاش کرنا ہوگا…‘‘ بیلگاوی میں راہل گاندھی کے سامنے سی ڈبلیو سی کی میٹنگ میں”نوستیہ گرہ“ اٹھی یہ بڑی بات

بدایوں ضلع میں بی جے پی لیڈر سمیت کئی لوگوں کے خلاف مقدمہ درج

بتا دیں کہ اس سے پہلے ریاست کے بدایوں ضلع کی بلسی اسمبلی سیٹ سے بی جے پی ایم ایل اے ہریش شاکیا اور ان سمیت 16 لوگوں کے خلاف سول لائن تھانے میں کیس درج کیا گیا ہے۔ ان لوگوں پر جنسی ہراسانی، فرضی مقدمات میں پھنسانے اور کروڑوں کی زمین ہتھیانے کے الزامات ہیں۔ سی جے ایم دوسری عدالت نے اس معاملے میں مقدمہ درج کرنے کا حکم دیا تھا۔ پولیس کو حکم پر عمل کرتے ہوئے 10 دن میں رپورٹ پیش کرنے کا بھی حکم دیا گیا۔ جس کے بعد ان کے خلاف مقدمہ درج کیا گیا ہے۔ متاثرہ نے ACJM-2 کی عدالت میں انصاف کی اپیل کی تھی۔ عدالت نے پولیس کو مقدمہ درج کر کے تفتیش کا حکم دیا ہے۔ ساتھ ہی ایم ایل اے کا کہنا ہے کہ ان کے خلاف سازش رچی جارہی ہے۔

-بھارت ایکسپریس

Mohd Sameer