Rajya Sabha MP Sanjay Singh: سنجے سنگھ نے راجیہ سبھا میں کہا، ’بھگوان کے درشن کے لئے ہم جاتے ہیں ایودھیا-کاشی، بی جے پی والے جاتے ہیں مسجد‘

Rajya Sabha MP Sanjay Singh: راجیہ سبھا میں آئین پر بحث کے دوران عام آدمی پارٹی کے لیڈر سنجے نے بی جے پی حکومت پر شدید حملہ کیا۔ انہوں نے ووٹر لسٹ سے ناموں کو حذف کرنے کے معاملے پر حکومت کو نشانہ بنایا اور ساتھ ہی ان کے جیل جانے سے متعلق تبصرہ پر کہا کہ جس دن حکومت بدلے گی، کسی کو بھی نہیں چھوڑا جائے گا، صرف تین گھنٹے کے لئے ED-CBI دے دو، سب کو جیل بھیج دوں گا۔

سنجے سنگھ نے دہلی انتخابات سے قبل ووٹر لسٹ سے نام حذف کرنے کا معاملہ اٹھایا۔ انہوں نے کہا کہ بھارتیہ جنتا پارٹی کے کارکنوں نے تغلق آباد کے بوتھ پر بڑی تعداد میں ووٹروں کے نام حذف کر دیے ہیں۔ اس پر ایوان کے لیڈر جے پی نڈا نے کہا کہ یہ دیکھنا باقی ہے کہ وہ بنگلہ دیشی-روہنگیا ہیں یا نہیں، جن کے نام حذف کیے جا رہے ہیں۔ اس کے بعد سنجے سنگھ نے رام سنگھ سمیت کئی ووٹروں کے نام پڑھ کر سنائے اور کہا کہ ان میں پوروانچلی بھائیوں کو روہنگیا بنگلہ دیش کہنے کی ہمت کیسے ہوئی؟ ہمارے پوروانچلی بھائی سخت محنت کرتے ہیں اور پسینہ بہاتے ہیں۔ پوروانچل کے لوگ ان کی ضمانتیں ضبط کروائیں گے۔ یہ گھوٹالے کے ذریعے الیکشن جیتنا چاہتے ہیں۔ سنجے سنگھ نے کہا کہ یہ چال دہلی میں نہیں چلے گی۔ الیکشن ہی ختم کرنے میں مصروف ہیں۔ الیکشن میں ہی گڑبڑ کریں گے تو آئین کیسے بچے گا؟

آپ لوگ گھاس کاٹ رہے تھے کیا؟

راجیہ سبھا کے رکن سنجے سنگھ نے سوالیہ لہجے میں پوچھا کہ گزشتہ 10 سالوں سے کس کی حکومت ہے۔ کیا یہاں ٹرمپ کی حکومت ہے، کیا اوباما کی حکومت ہے؟ یہاں 10 سال سے مہامانو کی حکومت ہے۔ انہوں نے کہا کہ میں پوچھنا چاہتا ہوں کہ سرحد کی حفاظت کی ذمہ داری کس کی ہے۔ بنگلہ دیش کی سرحد کہاں ہے اس کی سرحد تریپورہ، آسام، بنگال کے ساتھ ملتی ہے؟ انہوں نے کہا، ”ایک بنگلہ دیشی جھارکھنڈ، بہار، یوپی کراس کر کے وہاں سے دہلی کیسے آیا؟ آپ لوگ گھاس چھیل رہے تھے کیا؟“

یہ بھی پڑھیں- بارہ بنکی کے آئیڈیل انٹر کالج میں ایوانِ غزل” کی عظیم الشان طرحی نشست منعقد، شعرا کے معیاری کلام سے ادب نواز ہوئے محظوظ

مساجد کے سروے پر بی جے پی کو گھیرا

ملک میں مساجد کے حوالے سے کئے جا رہے سروے کی طرف اشارہ کرتے ہوئے عام آدمی پارٹی کے لیڈر نے کہا کہ ہم ایودھیا کاشی بھگوان کے درشن کرنے جاتے ہیں لیکن جب بی جے پی والوں کو درشن کرنا ہوتا ہے تو وہ مسجد میں جا کر بھگوان کے درشن کرتے ہیں۔ یہ لوگ پورے ملک میں مندروں کی تلاش میں ہیں، یہ لوگ ملک میں ’ڈگ انڈیا‘ اسکیم چلا رہے ہیں۔

-بھارت ایکسپریس