Rahul Gandhi slams PM Narendra Modi: ملک کے نوجوانوں کے نام راہل گاندھی کا پیغام،مودی سرکار کو بنایا نشانہ،روزگار کے مسئلے پر دکھایا آئنیہ

کانگریس کے سابق صدر راہل گاندھی نے روزگار کے معاملے پرایک بار پھر  وزیر اعظم نریندر مودی کو نشانہ بنایا  ہے۔آج انہوں نے پی ایم مودی کے ارادوں پر سوال اٹھائے ہیں۔ سوشل میڈیا پلیٹ فارم ایکس پر ایک پوسٹ کے ذریعے انہوں نے الزام لگایا کہ پی ایم مودی کا روزگار فراہم کرنے کا کوئی ارادہ نہیں ہے۔ نئے عہدے پیدا کرنے کی بات بھول جائیں، وہ مرکزی حکومت کی خالی آسامیوں پر بھی ڈٹ کر  بیٹھے ہوئے ہیں۔اگر ہم پارلیمنٹ میں مرکزی حکومت کے پیش کردہ اعداد و شمار پر غور کریں تو 78 محکموں میں 9 لاکھ 64 ہزار عہدے خالی ہیں۔

راہل گاندھی نے اپنے پوسٹ میں مزید لکھا کہ اگر ہم صرف اہم محکموں کو دیکھیں تو ریلوے میں 2.93 لاکھ، وزارت داخلہ میں 1.43 لاکھ اور وزارت دفاع میں 2.64 لاکھ آسامیاں خالی ہیں۔کیا مرکزی حکومت کے پاس اس بات کا جواب ہے کہ 15 بڑے محکموں میں 30فیصد سے زیادہ عہدے کیوں خالی ہیں؟جھوٹی  گارنٹی کا تھیلا اٹھانے والے وزیر اعظم کے اپنے دفتر میں بہت اہم عہدے کیوں خالی ہیں؟مستقل ملازمتیں دینے کو بوجھ سمجھنے والی بی جے پی حکومت مسلسل ٹھیکے کے نظام کو فروغ دے رہی ہے، جہاں نہ تحفظ ہے اور نہ ہی عزت۔خالی آسامیاں ملک کے نوجوانوں کا حق ہیں اور ہم نے ان کو بھرنے کے لیے ٹھوس منصوبہ بندی کی ہے۔ انڈیا کا عزم ہے کہ ہم نوجوانوں کے لیے ملازمتوں کے بند دروازے کھولیں گے۔بیروزگاری کے اندھیروں کو چاق کر کے نوجوانوں کا مقدر طلوع ہونے والا ہے۔

بھارت ایکسپریس