Rahul Gandhi Shares Video: ‘ریلوے کا سفر بنا سزا’، راہل گاندھی نے ٹرین میں بھیڑ کا ویڈیو شیئر کرکے پی ایم مودی پر کیا حملہ

Rahul Gandhi Shares Video: لوک سبھا انتخابات 2024 کے دوسرے مرحلے کی ووٹنگ سے قبل کانگریس کے رکن پارلیمنٹ راہل گاندھی نے سوشل میڈیا پر ایک ویڈیو شیئر کرکے وزیر اعظم نریندر مودی پر حملہ کیا ہے۔ اس ویڈیو میں ٹرین کے ڈبے میں کافی بھیڑ نظر آرہی ہے۔

راہل گاندھی  نے کہا، ” انہوں نے کہا، ”نریندر مودی کے دور حکومت میں ‘ریل سفر’ عذاب بن گیا ہے! مودی حکومت عام آدمی کی ٹرینوں سے جنرل کوچز کو کم کرکے صرف ‘ایلیٹ ٹرینوں’ کو فروغ دے رہی ہے۔ جس کی وجہ سے ہر زمرے کے مسافر پریشان ہو رہے ہیں۔ کنفرم ٹکٹ لے کر بھی  لوگ اپنی سیٹ پر آرام سے نہیں بیٹھ پا رہے ہیں، وہ زمین پر سفر کرنے اور بیت الخلاء میں چھپنے پر مجبور ہیں۔”

‘عام آدمی کو بچانے کے لیے مودی سرکار کو ہٹانا پڑے گا’

مرکزی حکومت پر حملہ کرتے ہوئے راہل گاندھی نے مزید کہا، “مودی حکومت اپنی پالیسیوں سے ریلوے کو کمزور کرکے ‘نااہل’ ثابت کرنا چاہتی ہے، تاکہ اسے اپنے دوستوں کے ہاتھ بیچنے کا بہانہ مل سکے۔ اگر عام آدمی کی سواری کو بچانا ہے تو مودی سرکار کو ہٹانا ہوگا جو ریلوے کو برباد کرنے میں لگی ہوئی ہے۔

یہ بھی پڑھیں- UP News: سوامی پرساد موریہ کی مشکلات میں اضافہ، ہائی کورٹ سے نہیں ملی راحت، اس معاملے میں لٹکی گرفتاری کی تلوار

راہل گاندھی کے شیئر کردہ ویڈیو میں کیا ہے؟

ویڈیو میں دیکھا جا سکتا ہے کہ ٹرین کے کوچ میں کافی بھیڑ ہے اور کچھ مسافر بیت الخلا میں بیٹھ کر سفر کر رہے ہیں۔ ٹرین کی جس کوچ کا ویڈیو شیئر کیا گیا ہے وہ کیرلہ ایکسپریس کا بتایا جاتا ہے۔ ویڈیو کے مطابق بہت زیادہ ہجوم کی وجہ سے مسافر زمین پر بیٹھ کر سفر کرنے پر مجبور ہیں اور ایک دوسرے کے اوپر بیٹھے ہوئے بھی دکھائی دے رہے ہیں۔

-بھارت ایکسپریس