Professor Shahid Akhter Chief Guest on the 95th Birth Anniversary of Bharat Ratna Dr. A P J Abdul Kalam: ڈاکٹر اے پی جے عبدالکلام کی 95ویں سالگرہ پر قومی سیمینار کا انعقاد — پروفیسر شاہد اختر کا جامع خطاب

بھارت رتن ڈاکٹر اے پی جے عبدالکلام کی 95ویں یو م پیدائش کے موقع پر ایک قومی سیمینار کا انعقاد سول سروسز آفیسرز انسٹیٹیوٹ، ونے مارگ، چانکیہ پوری، نئی دہلی میں ہوا۔ یہ پروگرام   14 اکتوبر  2025کو صبح 10 بجے  شروع ہوا،جس میں مختلف شعبہ ہائے زندگی سے تعلق رکھنے والے ممتاز تعلیمی ماہرین، دانشوروں، اساتذہ، محققین اور طلبہ نے شرکت کی۔

اس بامقصد تقریب میں پروفیسر شاہد اختر کو مہمانِ خصوصی (چیف گیسٹ) کی حیثیت سے مدعو کیا گیا، جنہوں نے “ٹیکنالوجی کا استعمال اور شمولیتی تعلیم: فوائد و چیلنجز” کے موضوع پر کلیدی خطبہ دیا۔ ان کا خطاب نہایت معلوماتی، بصیرت افروز اور وقت کی ضرورت سے ہم آہنگ

تھا۔ انہوں نے کہا کہ موجودہ دور میں ٹیکنالوجی تعلیم کو سب کے لیے قابل رسائی بنانے میں ایک مضبوط ذریعہ بن چکی ہے، مگر اس کے ساتھ ساتھ کئی چیلنجز بھی سامنے آتے ہیں، جن پر غور و فکر اور مناسب پالیسی سازی کی ضرورت ہے۔

تقریب کی صدارت معروف سماجی رہنما جناب شمیم اختر صاحب نے کی، جن کی قیادت میں “تعلیمی بیداری” (Talimi Bedari) ٹیم تعلیمی میدان میں قابل قدر خدمات انجام دے رہی ہے۔ پروفیسر شاہد اختر نے شمیم اختر صاحب اور ان کی ٹیم کو تعلیمی اصلاحات اور سماجی شعور بیدار کرنے میں ان کی کاوشوں پر زبردست خراجِ تحسین پیش کیا۔

اس تقریب میں اعزازی مہمانوں کی حیثیت سے کرنل طاہر مصطفیٰ (رجسٹرار، جامعہ ہمدرد)، ڈاکٹر ابوالقیوم (ڈائریکٹر ٹیکنیکل و ڈپٹی چیف ایگزیکٹو آفیسر، وزارت آیوش)، اور جناب فاروق صدیقی صاحب (AMP) نے بھی شرکت کی۔ ان معزز شخصیات نے سیمینار میں اپنے خیالات کا
اظہار کیا اور ڈاکٹر عبدالکلام کے وژن، تعلیم کے لیے ان کے جذبات، اور ملک کی ترقی میں ان کے کردار پر روشنی ڈالی۔

یہ پروگرام تعلیم، تحقیق، اور سماجی ترقی کے لیے وقف ایک مضبوط پیغام لے کر اختتام پذیر ہوا۔ حاضرین نے سیمینار کو ایک متاثر کن علمی تجربہ قرار دیا۔

بھارت ایکسپریس اردو