Priyanka Gandhi takes oath: پرینکا گاندھی نے بطور رکن پارلیمنٹ حلف لیا، بیٹا ریحان اور بیٹی میرایا واڈرا بھی رہے موجود

Priyanka Gandhi takes oath: کانگریس لیڈر پرینکا گاندھی نے کیرالہ کے وائناڈ سے ضمنی انتخاب جیت لیا تھا۔ انہوں نے آج رکن پارلیمنٹ کے طور پر حلف لیا ہے۔ جب پرینکا گاندھی عہدہ اور رازداری کا حلف لے رہی تھیں، اس وقت ان کے بھائی راہل اور والدہ سونیا بھی رکن پارلیمنٹ کے طور پر وہاں موجود تھیں۔ اس دوران ان کا بیٹا اور بیٹی ریحان واڈرا اور میرایا واڈرا  بھی پارلیمنٹ پہنچے تھے۔ کانگریس لیڈر پرینکا گاندھی واڈرا نے اپنی والدہ اور راجیہ سبھا کی رکن پارلیمنٹ سونیا گاندھی کی موجودگی میں  رکن پارلیمنٹ کے طور پر حلف لینے سے پہلے کہا ”میں بہت خوش ہوں۔“

ہاتھ میں آئین کی کتاب لے کر پہنچی تھیں پرینکا گاندھی

جیسے ہی لوک سبھا اسپیکر اوم برلا نے پرینکا گاندھی کا نام پکارا، وہ اپنے ہاتھ میں آئین کی کتاب لے کر پہنچیں اور حلف لیا۔ راہل گاندھی کی جانب سے خالی کی گئی سیٹ پر وائناڈ ضمنی انتخاب میں پرینکا نے 4 لاکھ سے زیادہ ووٹوں سے کامیابی حاصل کی ہے۔ اس طرح گاندھی خاندان کے تین لوگ آج سے پارلیمنٹ میں نظر آئیں گے۔

پرینکا نے سی پی آئی کے امیدوار ستیم موکیری کو دی تھی شکست

اس سے پہلے بدھ کو کیرالہ کانگریس کے لیڈروں نے پرینکا گاندھی کو جیت کا سرٹیفکیٹ دیا تھا۔ پرینکا گاندھی کو وائناڈ ضمنی انتخاب میں 6 لاکھ 22 ہزار 338 ووٹ ملے۔ وہیں سی پی آئی امیدوار ستیم موکیری دوسرے نمبر پر رہے۔ انہیں 2 لاکھ 11407 ووٹ ملے۔ اس ضمنی انتخاب میں بی جے پی تیسرے نمبر پر رہی۔ بی جے پی امیدوار نویہ ہری داس کو ان کے کھاتے میں 1 لاکھ 99939 ووٹ ملے تھے۔

یہ بھی پڑھیں- Hemant Soren Oath Ceremony: جھارکھنڈ مکتی مورچہ کے سربراہ ہیمنت سورین آج لیں گے (28 نومبر 2024) وزیر اعلی کے عہدے کا حلف، جانئے کون کون ہوگا شامل

 کانگریس کے رکن پارلیمنٹ ششی تھرور نے کہی یہ بات

کانگریس کے رکن پارلیمنٹ ششی تھرور نے کہا، ”میں بہت خوش ہوں کیونکہ ہم نے ان کے لیے مہم چلائی۔ مجھے خوشی ہے کہ وہ جیت گئیں۔ جیسا کہ آپ دیکھ سکتے ہیں، انہوں نے کیرالہ کی ساڑھی پہن رکھی ہے۔“

-بھارت ایکسپریس