Priyanka Gandhi joins ‘Voter Adhikar Yatra’: ’ووٹر ادھیکار یاترا‘ میں شامل ہوئیں پرینکا گاندھی، بہار کانگریس نے کہا- بن گیا ماحول

سپول: لوک سبھا میں اپوزیشن لیڈر راہل گاندھی کی قیادت میں بہار میں مبینہ طور پر ووٹ چوری کے خلاف انڈیا بلاک کی ووٹر ادھیکار یاترا میں منگل کے روز رکن پارلیمنٹ پرینکا گاندھی بھی شامل ہوئیں۔

ووٹر ادھیکار یاترا کے 10ویں دن کا آج سپول سے آغاز ہوا۔ سپول میں اس یاترا کو لے کر لوگ پرجوش ہیں۔ بڑی تعداد میں کانگریس کارکنان بڑے جھنڈے لے کر یاترا میں شامل ہوئے ہیں۔ ووٹر ادھیکار یاترا جھنجھار پور کے راستے دربھنگہ پہنچے گی۔

پرینکا گاندھی کے اس یاترا میں شامل ہونے سے کارکنوں اور حامیوں میں جوش و خروش کا ماحول ہے۔ آج کی ووٹر ادھیکار یاترا کا ایک ویڈیو جاری کرتے ہوئے بہار کانگریس نے X پر لکھا، ’’سپول میں بن گیا ماحو۔ ووٹ چور – گدی چھوڑ۔‘‘

سپول ضلع سے ہوا یاترا کے دسویں دن کا آغاز

دراصل، بہار میں الیکشن کمیشن کی طرف سے ایس آئی آر کے تحت 65 لاکھ سے زیادہ ووٹروں کے ناموں کو کاٹے جانے کے خلاف انڈیا بلاک کی طرف سے ووٹر ادھیکار یاترا نکالی گئی ہے۔ اس میں آر جے ڈی لیڈر تیجسوی یادو سمیت اتحاد میں شامل بہار کی تمام جماعتوں کے لیڈران حصہ لے رہے ہیں۔ آج اس یاترا کے دسویں دن کا آغاز سپول ضلع سے ہوا ہے۔ کل یعنی پیر کے روز اس یاترا کو وقفہ دیا گیا تھا۔

ساسارام ​​سے شروع ہوئی تھی ووٹر ادھیکار یاترا

 بہار میں اس سال اسمبلی انتخابات ہونے جا رہے ہیں۔ اس یاترا کے ذریعے اپوزیشن پارٹی اتحاد کے لوگ عوام کے درمیان پہنچ کر انہیں اپنی بات بتا رہے ہیں۔ راہل گاندھی کی ووٹر ادھیکار یاترا 17 اگست کو بہار کے ساسارام ​​سے شروع ہوئی تھی۔ اس یاترا میں آر جے ڈی لیڈر تیجسوی یادو سمیت اتحاد میں شامل تمام پارٹیوں کے لیڈران بھی اس یاترا میں شامل ہیں۔

یکم ستمبر کو پٹنہ میں ختم ہوگی راہل کی یاترا

یہ 16 روزہ یاترا تقریباً 20 اضلاع سے گزرے گی اور 1300 کلومیٹر کا یاترا مکمل کرے گا۔ یہ یاترا یکم ستمبر کو پٹنہ میں ایک بڑی ریلی کے ساتھ اختتام پذیر ہوگی۔ اب تک یہ یاترا اورنگ آباد، گیا جی، شیخ پورہ، کٹیہار، پورنیہ، مونگیر، بھاگلپور سے ہوتا ہوا سپول پہنچی ہے۔

بھارت ایکسپریس۔