PM Modi gets Fiji’s Highest Honour in Papua New Guinea: وزیر اعظم مودی کو ملا فجی کا سب سے بڑا اعزاز، ہندوستان کے لئے ہے یہ خاص

پوری دنیا میں وزیراعظم نریندر مودی کا قد کس حد تک بڑھا ہے، اس کا اندازہ حال ہی میں ان کے حالیہ بیرون ممالک دورے سے بخوبی لگایا جاسکتا ہے۔ ہیروشما کی جی-7 سمٹ سے لے کر پاپوا نیو گنی کئی عالمی رہنما وزیراعظم مودی کی تعریف کرتے ہوئے نظرآئے۔ پاپوا نیوگنی کے وزیراعظم جیمس ماریپا نے یہاں تک کہ ان کے استقبال کے دوران وزیراعظم نریندرمودی کے پاؤں چھوئے۔ اس سے پوری دنیا میں وزیراعظم نریندرمودی کی مقبولیت کا بخوبی اندازہ لگایا جا سکتا ہے۔

اس دوران وزیراعظم مودی کو 2 بڑے اعزاز سے سرفراز کیا گیا ہے تو دوسرا جمہوریہ پلاؤ کا ایبکل ایوارڈ۔ وزیراعظم مودی کو یہ دونوں ہی اعزاز پاپوا نیو گنی میں ملے ہیں۔ وزیراعظم مودی کو فجی کے سب سے اعلیٰ اعزازسے سرفرازکیا گیا ہے۔

فجی کے وزیراعظم ستونی رابوکا نے وزیراعظم مودی کو کمپینین آف دی آرڈر آف فجی سے سرفراز کیا ہے۔ ہندوستان کے لئے یہ ایوارڈ اس لئے بھی اہم ہے کیونکہ ابھی تک صرف صرف چند غیرفجی شخصیات کو اس اعزاز سے سرفرازکیا گیا ہے۔

اس کے علاوہ وزیراعظم مودی کو ایبکل اعزازسے بھی سرفرازکیا گیا ہے۔ دراصل پاپوا نیو گنی میں آئی پی آئی سی سمٹ میں 14 ممالک نے حصہ لیا تھا۔ سربراہی اجلاس کے موقع پر، جمہوریہ پالاؤ کے صدرسورنجیل ایس وہپس جونیئر نے وزیراعظم نریندرمودی سے ملاقات کی اورانہیں ایبکل ایوارڈ سے سرفراز کیا۔