PM Modi’s ‘Friday holiday in Jharkhand’ remark: مسلمانوں اور عیسائیوں کو آپس میں لڑانا چاہتی ہے بی جےپی، پی ایم مودی کے بیان پر کانگریس کا پلٹ وار

پی ایم نریندر مودی نے دمکا میں انتخابی ریلی کے دوران ‘جمعہ کو ہفتہ وار چھٹی’ کا مسئلہ اٹھاتے ہوئے جھارکھنڈ کی موجودہ حکومت پر حملہ کیا تھا۔ اس پر جھارکھنڈ کی مخلوط حکومت میں شامل کانگریس نے ردعمل دیا ہے۔ کانگریس لیڈر عرفان انصاری کا دعویٰ ہے کہ جب بی جے پی کی حکومت تھی تب بھی یہ نظام موجود تھا، لیکن اس وقت پی ایم مودی نے اپنے وزیراعلیٰ اور وزراء سے سوال نہیں پوچھے تھے اور جب ہماری حکومت آئی تو سوال پوچھے جارہے ہیں۔

خبر رساں ایجنسی پی ٹی آئی سے بات کرتے ہوئے عرفان انصاری نے کہاکہ یہ مسئلہ بہت پرانا ہے۔ یہاں آزادی کے بعد سے یہ سلسلہ چل رہا ہے جہاں سو فیصد مسلمان ہیں۔ اس لیے جمعہ کو نماز کے لیے چھٹی دی گئی۔ اتوار کو وہاں کلاسز ہوتی تھیں۔ بی جے پی نے یہاں 20 سال حکومت کی۔ پھر انہوں نے اسے روکا نہیں۔ تب یہ مسئلہ نہیں اٹھایا گیا۔

عرفان انصاری نے مزید دعویٰ کیاکہ جب ہماری حکومت بنی تو بی جے پی نے اس مسئلے کو بھرپور طریقے سے اٹھانا شروع کیا۔ ہماری حکومت نے اسے ہٹایا۔ میں پی ایم مودی سے پوچھنا چاہتا ہوں، آپ نے اپنے لیڈروں سے کیوں نہیں پوچھا؟ جب آپ کے پاس وزیراعلیٰ اور وزراء تھے تو اسے روکنا چاہیے۔ جان بوجھ کر عیسائیوں اور مسلمانوں کو آپس میں لڑانا چاہتے ہیں۔ ان کی پالیسی تقسیم کرو اور حکومت کرو۔ بی جے پی کی ذہنیت انگریزوں سے زیادہ خطرناک ہو چکی ہے۔

پی ایم مودی نے یہ بات کہی تھی

آپ کو بتا دیں کہ 28 مئی کو پی ایم مودی نے دمکا میں کہا تھا کہ ہمارے ملک میں اتوار کو چھٹی ہوتی ہے۔ جب یہاں انگریزوں کی حکومت تھی تو عیسائی برادری اتوار کو چھٹی مناتی تھی، یہ روایت تب سے شروع ہوئی۔ اتوار کا تعلق ہندوؤں سے نہیں، عیسائی معاشرے سے ہے۔ اب انہوں نے ایک ضلع میں اتوار کی چھٹی پر پابندی لگا دی  اور کہا کہ جمعہ کو چھٹی دی جائے گی۔

بھارت ایکسپریس۔